မဲခေါင်၊ ဖေဖော်ဝါရီ ၁၃
နျူကလီးယားစခန်းတစ်ခု အနီးမှ မြေအောက်စက်ရုံတစ်ရုံကို တောင့်တင်းခိုင်မာအောင် အီရန်က အားဖြည့်မှုများ လုပ်ဆောင်နေသည်ကို ဂြိုဟ်တုဓာတ်ပုံများကို ခွဲခြမ်းစိတ်ဖြာလေ့လာမှုအရ သိရသည်။
အီရန်နှင့် အမေရိကန်အရာရှိကြီးများကြား ဆွေးနွေးမှုများ ဆက်လုပ်နေပြီး အီရန်က နျူကလီး ယား အစီအစဉ်အပေါ် သဘောတူညီချက် မယူခဲ့ပါက ထပ်မံ ၍ တိုက်ခိုက်သွားနိုင်ကြောင်း အမေရိကန်သမ္မတ ဒေါ်နယ်ထရမ့်က ခြိမ်းခြောက်ထား၍ တင်းမာမှုများ မြင့်တက်နေချိန်တွင် ယင်းဓာတ်ပုံ ထွက်ပေါ်လာခြင်းဖြစ်သည်။
အမေရိကန်အခြေစိုက် သိပ္ပံနှင့် နိုင်ငံတကာလုံခြုံရေး အင်စတီကျူ – ISIS က ဦးစွာ လေ့လာဆန်းစစ်ခဲ့သည့် ဓာတ်ပုံများ၌ Pickaxe Mountain ဟု သိရှိကြသော ကိုလန်းဂတ်စ်လာတောင်ဒေသတွင် မြေအောက်ဥမင်ဝင် ပေါက်များအား အားဖြည့်နေ သည်ကို မြင်တွေ့ရသည်။
ယင်းစခန်းသည် အီရန်၏ ယူရေ နီယံ သန့်စင်လုပ်ငန်းများ၊ သို့မ ဟုတ် အရေးပါသော စက်ပစ္စည်းများကို ကာကွယ်သွားရန် ပုံဖော်ထားခြင်းဖြစ်နိုင်ကြောင်း သို့သော် ၎င်းစခန်း၏ ရည်ရွယ်ချက်အတိအကျနှင့် လည်ပတ်နေသည်လားဆိုခြင်းမှာ ရှင်းလင်းမှုမရှိကြောင်း ကျွမ်း ကျင်ပညာရှင်များက ပြောကြားကြသည်။
Pickaxe Mountain စခန်းသည် အမေရိကန်နှင့် အစ္စရေးတို့၏ ၂၀၂၅ ခုနှစ် ဇွန်လတိုက်ခိုက်မှု၌ ပါဝင်ခဲ့သော နေရာတစ်ခု မဟုတ်သော်လည်း ၎င်းနေရာမှ ၂ ကီလို မီတာအကွာရှိ နာတန့်ဇ် စခန်းမှာမူ တိုက်ခိုက်ခံခဲ့ရသည်။
၎င်းတောင်စခန်း၏ ဝင်ပေါက်တစ်ခု အပေါ်ဘက်တွင် ကွန်က ရစ် ထပ်လောင်းထားသည်ကိုဖေ ဖော်ဝါရီ ၁၀ ရက်က ဂြိုဟ်တုဓာတ်ပုံတစ်ပုံတွင် မြင်တွေ့ရသည်။
ကွန်ကရစ်များ မောင်းတင်ပေးသည့် ယာဉ်တစ်စီးကိုလည်း ထိုနေရာ၌ တွေ့မြင်ရသည်ဟု ISIS နှင့် ဗြိတိန်အခြေစိုက် ထောက် လှမ်း ခွဲခြမ်းစိတ်ဖြာရေး လုပ်ငန်း Maiar တို့က သဘောတူကြသည်။
အခြား ဥမင်ဝင်ပေါက်တစ်ခုတွင်လည်း ကျောက်တုံးနှင့် မြေကြီးများကို တွန်းထုတ်ပြီး ပြားနေအောင်လုပ်ထားသည်ကို တွေ့ရပြီး အနီးအနားတွင်လည်း သံကူကွန် ကရစ်အားဖြည့် အဆောက်အဦသစ်တစ်ခုကို မြင်ရသည်။
ထိုအပြောင်းအလဲများမှာ ဥမင်ဝင်ပေါက်များကို တောင့်တင်းခိုင်မာစေရန်နှင့် လေကြောင်းတိုက်ခိုက်မှု ဖြစ်လာခဲ့ပါက အပိုဆောင်း ကာကွယ်မှုပေးနိုင်ရန် ရည်ရွယ်ထားပုံရကြောင်း ISIS အဖွဲ့မှကျွမ်းကျင်သူများက ပြောကြားကြသည်။
ထို့ပြင် အနီးအနားရှိ နာတန့်ဇ် စ ခန်းနှင့် မြောက်ဘက် ၇၇ မိုင် အ ကွာတွင်ရှိသော အစ္စဖာဟန် နျူ ကလီးယားစခန်းများတွင်လည်း မကြာသေးမီ သီတင်းပတ်များက ပြုပြင်ရေးလုပ်ငန်းများနှင့် ကာ ကွယ်ရေးအတွက် အားဖြည့်မှုများ လုပ်ဆောင်ခဲ့သည်ကို ဂြိုဟ် တုဓါတ်ပုံများတွင် မြင်တွေ့ရသည်။
အေးကျော်
Ref:BBC
#MeKongnews
#နျူကလီးယား
#မြေအောက်စက်ရုံ
#အီရန်
#အားဖြည့်
#ဂြိုဟ်တုဓာတ်ပုံ
