မဲခေါင်၊ ဇန်နဝါရီ ၁၇
ဆန္ဒပြသူများကို တစ်ဦးမှ ကြိုးပေးကွပ်မျက်မှု မလုပ်ဟု အီရန် နိုင်ငံခြားရေးဝန်ကြီး အာဘက်စ်အာရက်ချီက ဇန်နဝါရီ ၁၄ ရက်နှောင်းပိုင်းတွင် ထုတ်ပြန်ကြေညာခဲ့ရာ အကူအညီများ လာနေပြီဟု ပြောခဲ့သော ဒေါ်နယ်ထရမ့်သည် အီရန်အား တိုက်ခိုက်ရန် အစီအစဉ်အား ရပ်ဆိုင်းခဲ့သော်လည်း အီရန်၏ စကားသည် မုသားများသာ ဖြစ်ကာ အချိန်ဆွဲပြီး ဆန္ဒပြသူများကို လျှို့ဝှက်စွာ ကွပ်မျက်နေခဲ့သည်ဟု သတင်းများ ထွက်ပေါ်လာပြီးနောက် ဇန်နဝါရီ ၁၅ ရက်တွင် ထရမ့်သည် တောင်တရုတ် ပင်လယ်အတွင်း ရှိနေသည့် USS Abraham Lincoln လေယာဉ်တင် သင်္ဘော ကြီးအား အီရန်သို့ စေလွှတ်လိုက်ပြီ ဖြစ်သည်။
ဇန်နဝါရီ ၁၅ ရက် ဂြိုဟ်တု ဓာတ်ပုံများအရ USS Abraham Lincoln သင်္ဘောကြီးသည် အရှေ့ အလယ်ပိုင်းပင်လယ်သို့ ဦးတည်ခုတ်မောင်းနေရာ ဖိလစ်ပိုင် ကမ်းလွန်ပင်လယ်ပြင်သို့ ရောက်ရှိနေသည်ကို တွေရသည်။
အဝတ်အထည်ရောင်းသူ တက်ကြွလှုပ်ရှား ဆန္ဒပြသမား အာဖန်ဆိုလ်တာနီကို ဖမ်းဆီးပြီး ၂ ရက်အကြာမှာပင် ကြိုးပေးလိုက်သည်ဆိုခြင်းမှာ မဟုတ်သလို မည်သူ့ကိုမျှ ကြိုးပေးခြင်း မပြုဟု အီရန်ဘက်မှ ကြေညာခဲ့ရာ အမေရိကန် ထောက်လှမ်းရေး အကြီးအကဲများက အယုံအကြည်မရှိဘဲ တိုက်ခိုက်ခံရမှု မရှိစေရန် အချိန်ဆွဲသည့် အနေဖြင့် ငြင်းဆိုခြင်းသာ ဖြစ်ကာ ရသည့်အချိန်တွင် တန်ပြန် တိုက်ခိုက်ရန် စီစဉ်လိုသည့် အနေအထားရှိကြောင်း သုံးသပ်ခဲ့ကြသဖြင့် ဒေါ်နယ်ထရမ့်က လေယာဉ်တင်သင်္ဘောအား အီရန်သို့ လက်တစ်ကမ်း တိုက်ခိုက်နိုင်ရာ ပင်လယ်ပြင်သို့ ခုတ်မောင်းစေခဲ့ခြင်း ဖြစ်သည်။
လူ့အခွင့်အရေး စောင့်ကြည့်ရေးအဖွဲ့က ၂ ပတ်ကျော်ကြာ အီရန် လူထုအုံကြွမှုတွင် အနည်းဆုံး ၂၆၀၀ သေဆုံးသည်ဟု သတင်းများက ဆိုသော်လည်း အတည်မပြုသော သတင်းရင်းမြစ်များအရ သေဆုံးသူမှာ ၁၂၀၀၀ မှ ၂၀၀၀၀ အထိ ရှိနေပြီ ဖြစ်ကြောင်း သိရသည်။
နော်ဝေအခြေစိုက် အီရန် လူ့အခွင့်အရေးအဖွဲ့၏ လေ့လာမှုစစ်တမ်းတွင် ဒီဇင်ဘာ နောက်ပိုင်း ကြိုးပေး ကွပ်မျက်ရာတွင် အနည်းဆုံး လူ ၁၅၀၀ သေဆုံးပြီးဖြစ်သလို လက်ရှိ ဖမ်းဆီးခံထားရသော အကျဉ်းသား ၁၈၀၀၀ အသက်အန္တရာယ် အတွက်လည်း စိုးရိမ်ရသည်ဟု ထုတ်ပြန်ခဲ့သည်။
၂၀၂၄ ခုနှစ် အတွင်း အီရန်သည် လူ ၉၇၅ ယောက်အား ကြိုးပေးခဲ့ကြောင်း အီရန် လူ့အခွင့်အရေးအဖွဲ့က ထုတ်ပြန်ထားသည်။
ကိုကလင်း
Ref:Thesun
#MeKongNews
#ကြိုးပေးကွပ်မျက်
#အီရန်
#လိမ်လည်မှု
#ဒေါ်နယ်ထရမ့်
