မဲခေါင်၊ ဒီဇင်ဘာ ၁၈
ထိုင်ဝမ်အား ဒေါ်လာ ၁၁ ဘီလီယံကျော် တန်ကြေးရှိ စစ်လက်နက် ပစ္စည်းများ ရောင်းချပေးရန် အမေရိကန်သမ္မတ ဒေါ်နယ်ထရမ့်က သဘောတူ လက်မှတ်ထိုးခဲ့ကြောင်း ထိုင်ဝမ် ကာကွယ်ရေးဝန်ကြီးဌာန၏ ဒီဇင်ဘာ ၁၈ ရက် ထုတ်ပြန်ချက်အရ သိရသည်။
တရုတ်၏ ကျူးကျော် သိမ်းပိုက်ခံရနိုင်ခြေ ရှိနေသော ထိုင်ဝမ်ကို ယခုလို လက်နက်များ အစုလိုက် အပြုံလိုက် ရောင်းချပေးရန် ဒေါ်နယ်ထရမ့် လက်မှတ် ထိုးပေးခြင်းသည် ဒုတိယသမ္မတ သက်တမ်းအတွင်း ဒုတိယအကြိမ် မြောက်ဖြစ်ကာ ၎င်းသည် ထိုင်ဝမ်အား လွတ်လပ်သော ဒီမိုကရေစီနိုင်ငံ အဖြစ် သီးခြား ရပ်တည်ရေး ကာကွယ်မှု များ လုပ်ဆောင်သွားရန် အထူး အားပေးအားမြှောက် ပြုနေကြောင်း ထင်ရှား ပေါ်လွင်စေခဲ့သည်။
ပြီးခဲ့သည့် ဆယ်စုနှစ်အတွင်း ထိုင်ဝမ်သည် တရုတ်ရန်မှ ကာကွယ်ရန် ကာကွယ်ရေး အသုံးစားရိတ် များစွာကို သုံးစွဲ နေခဲ့ကာ လက်နက် တင်သွင်းမှုအဖြစ် အမေရိကန်ထံမှ အဓိက ဝယ်ယူခဲ့သော်လည်း မကြာသေးမီက ကိုယ့်ခွန် ကိုယ့်အားဖြင့် နိုင်ငံကို ကာကွယ်နိုင်ရေး ကြိုးစားရမည်ဟု သတိပေးခဲ့သည်။
သို့သော်လည်း ထရမ့်သည် တရုတ်၏ ဆန့်ကျင်နေမှုများကို မျက်ကွယ်ပြုကာ ယခုလို ဒေါ်လာ ၁၁ ဘီလီယံတန် လက်နက်အင်အား အလုံးအရင်းကို ထိုင်ဝမ်အား ရောင်းချပေးရန် သဘောတူ လက်မှတ် ထိုးပေးလိုက်သဖြင့် တင်း မာမှုများ ပိုမို မြင့်တက်လာဦးမည် ဖြစ်သည်။
ထရမ့် လက်မှတ်ထိုးပေး လိုက်သော်လည်း ယင်းကို အမေရိကန် လွှတ်တော်က ဆက်လက် အတည်ပြု ပေးရ ဦးမည် ဖြစ်ကာ တစ်လအတွင်း လွှတ်တော် အတည်ပြုမှု ပြီးသည်နှင့် လက်နက်တင်ပို့မှု စတင်ဖွယ်ရှိနေသည်။
တရုတ်သည် ထိုင်ဝမ်အား ၂၀၂၇ ခုနှစ် အတွင်း ကျူးကျော် သိမ်းပိုက်မည်ဟု အမေရိကန် စစ်ဌာနချုပ်က ခန့်မှန်း ထားသည်။
ကိုကလင်း
Ref: france24
#MeKongNews
#ထိုင်ဝမ်
#လက်နက်များ
#ရောင်းချ
#အတည်ပြု
