မဲခေါင်၊ နိုဝင်ဘာ ၂၃
ယူကရိန်းအထူးတပ်ဖွဲ့က နည်းစနစ်အသစ်ဖြင့် ရုရှားအားထားနေရသည့် ပေါင် ၁၁ သန်းတန် Mi-8 ရဟတ်ယာဉ်ကို ဒရုန်းတစ်ခုတည်းဖြင့် ဖောက်ခွဲဖျက်ဆီးနိုင်ခဲ့ကြောင့် အဆိုပါဒရုန်းတွင် တပ်ဆင် ပေးလိုက်သည့် ကင်မရာရုပ်သံမှတ်တမ်းနှင့်ပါ ထုတ်ပြန်ကြုံးဝါးသွားခဲ့သည်။
ယင်းဗီဒီယိုတွင် ရုရှားနိုင်ငံအတွင်း ရော့စတော့ဗ်အိုဘလက်စ်ဒေသအတွင်း ပျံသန်းနေသည့် Mi-8 ရဟတ်ယာဉ်ကို ဒရုန်းက အနီးကပ်တိုးဝင်သွားပြီးနောက် ဖောက်ခွဲလိုက်ရာ မီးလုံးကြီးအဖြစ်နှင့် ရဟတ် ယာဉ်တစ်စီးလုံးလည်း ပေါက်ကွဲပျက်ကျသွားသည်ကို မြင်တွေ့ရသည်။
ယူကရိန်းလျှပ်စစ်နည်းပညာစစ်ရေးအထူးတပ်ဖွဲ့က အောင်မြင်သော မစ်ရှင်တစ်ခုကို ဖော်ဆောင်နိုင်ရန် မှာ တိုက်ပွဲစည်းမျဉ်းစည်းကမ်းများအား ပြောင်းလဲပြစ်နိုင်စွမ်းရှိရမည်ဖြစ်ကာ အကြိမ်ကြိမ် လေ့ကျင့် ခြင်းမှ အောင်မြင်သည့် မစ်ရှင်ဖြစ်လာခဲ့ခြင်းဖြစ်ကြောင်း၊ ယခုလို ရုရှား Mi-8 ရဟတ်ယာဉ်အား အပျံသန်းနေစဉ် ဒရုန်း ဖြင့် တိုက်ခိုက်နိုင်ခြင်းသည် ပထမဆုံးအကြိမ်ဖြစ်ကြောင်း၊ လက်ရှိ စစ်ဆင်ရေး သည် အမဲလိုက်စစ်ဆင်ရေးအသွင်ဖြစ်နေသည်ဟု ထုတ်ပြန်သွားခဲ့သည်။
ယူကရိန်းအထူးတပ်ဖွဲ့သည် ယခုတစ်ပတ်အတွင်း ကြီးမားသည့် နည်းစနစ်သစ်များဖြင့် အောင်မြင် သည့် မစ်ရှင်များဖော်ဆောင်နိုင်ခဲ့ကာ Kalibr ခရုဇ်ဒုံးကျည်ကို လူသားသယ်ဆောင်နိုင်သော လေကြောင်းရန်ကာကွယ်ရေးစနစ် ဆုံလည်သေနတ်ဖြင့် ရဟတ်ယာဉ်ပေါ်မှ ပစ်ချပြခြင်း၊ ရုရှား၏ ကာမီကာဇီဒရုန်းကိုလည်း ရဟတ်ယာဉ်ပေါ်မှပင် ပစ်ချပြခြင်းများ ထုတ်ပြန်ခဲ့သည်။
ထို့အပြင် ယူကရိန်း နည်းပညာဆိုင်ရာ အထူးတပ်သည် ပူတင်ဘက်မှ မည်သူမျှ တားမရနိုင်ဟု ကြွေးကျော် ထားသည့် Kinzhal ဒုံးကျည် ၁၉ လုံးအား ဂျမ်းမင်းစနစ်တွင် ဒုံးကျည်၏ လေကြောင်းလမ်းညွှန် ထိန်းချုပ်မှုစနစ်ကို ပျက်စေသော သီချင်းသံစဉ် တစ်ပုဒ်ဖြင့် ဖျက်ချပြနိုင်ခဲ့သည်များကိုလည်း ဂုဏ်ယူ စွာ ထုတ်ပြန်ခဲ့သေးသည်။
ကိုကလင်း
Ref: Thesun
#MeKongNews
#ယူကရိန်း
#နည်းပညာ
#ဒရုန်း
#ရဟတ်ယာဉ်
