မဲခေါင်၊ နိုဝင်ဘာ ၂၂
နောက်လာနိုဝင်ဘာ ၂၇ ရက် ကျေးဇူးတော်နေ့တွင် မိမိတင်ပြထားသော ရုရှား-ယူကရိန်းငြိမ်းချမ်းရေး အဆိုကို လက်ခံကြမည်ဟု အမေရိကန်သမ္မတပူတင်က ထုတ်ပြန်ပြောဆိုအပြီးမှာပင် လျှို့ဝှက်ထား သော ထရမ့်၏ အချက် ၂၈ ချက်ပါ ငြိမ်းချမ်းရေးအဆိုမှာ ပေါက်ကြားသွားခဲ့ပြီဖြစ်ကာ ယူကရိန်းဘက် က ရုရှားထံ လက်နက်ချ အညံ့ခံသည့်အလား တစ်ဖက်သတ် နှိမ်ပါးခြင်းခံထားရသည်ကို တွေ့ရှိရသည်။
ထရမ့်တင်သွင်းထားသည့်အဆိုပြုချက်မှာ ဂါဇာငြိမ်းချမ်းရေးဖြစ်စဉ်သကဲ့သို့ အစ္စရေးအား မျက်နှာသာ ပေးလွန်းသည့်အတိုင်း ရုရှားကို မျက်နှာသာပေးလွန်းသည့်အတွက် အနောက်နိုင်ငံခေါင်းဆောင်များက ပင် ယူကရိန်းအား လက်နက်ချ ခိုင်းခြင်းသာဖြစ်သည်ဟု ဝေဖန်နေကြသည်။
The Telegraph သတင်းတွင် ဖော်ပြမှုအရ ယူကရိန်းစစ်အင်အားကို လက်ရှိစစ်အင်အားထက် တစ်ဝက်လျှော့ကာ စစ်သည် ၆၀၀၀၀၀ သာထားရှိရမည်၊ တာဝေးပစ် ဒုံးကျည်များနှင့် ရုရှားကို ခြိမ်းခြောက်နိုင်သည့် ဒုံးကျည်များအားလုံး ယူကရိန်းနိုင်ငံအတွင်း သိုလှောင်ထားရှိခြင်းမပြုရ၊ ဒွန်ဘက်စ်ဒေသတစ်ခုလုံးအား ယူကရိန်းက ရုရှားထံ လွှဲအပ်ပေးရမည်၊ ယူကရိန်းက ရုရှား သိမ်းပိုက်ခံနယ်မြေများကို ပြန်မတိုက်ယူရ၊ နေတိုးနှင့်ပြည်ပမှ စစ်သည်များကို ယူကရိန်းနိုင်ငံအတွင်း လာရောက်ခွင့်မပြုရ စသည်တို့ ပါဝင်သည်။
ယင်းအပြင် ပြည်ပ ဖိုက်တာဂျက် လေယာဉ်များလည်း ယူကရိန်းသို့ မလာရ၊ နေတိုးနှင့်မဟာမိတ်အဖွဲ့များ ပိုလန်တွင်သာ နေခွင့်ပြုမည်၊ အဆိုပါအချက်များကို ယူကရိန်းဘက်မှ ချိုးဖောက်မိလျှင် အမေရိကန်နှင့် ဥရောပမှ လုံခြုံရေးအာမခံ ချက် ဆက်ပေးတော့မည်မဟုတ်၊ ရုရှားထံမှ ဥရောပနိုင်ငံများ သိမ်းဆည်းထားသည့် ပေါင် ၂၆၅ ဘီလီယံကို ပြန်ပေးရမည်၊ ထိုထဲမှ ပေါင် ၇၇ သန်းကို ဘီလီယံတန်ဖိုးရှိ ပိုင်ဆိုင်မှုများကို ယူကရိန်းပြန်လည်ထူထောင်ရေးအတွက် အသုံးပြုခွင့်ပေးမည်ဆိုသည့် တစ်ဖက်သတ်ဆန်လွန်းခြင်း များ ပါဝင်နေသည်။
ရုရှားကို ထရမ့်ဘက်မှ လော်ဘီလုပ်ကာ တောင်းဆိုထားသည့်အချက်မှာ လက်ရှိ G7 အဖွဲ့အတွင်း ရုရှား ဝင်ရောက်ပြီး G8 အဖွဲ့ကြီးအဖြစ် ပူးပေါင်းဆောင်ရွက်ရန် ဆိုသည်သာ ပါရှိခဲ့သည်။
ထိုအခြေအနေ ကြောင့် ယူကရိန်းသမ္မတ ဇီလန်းစကီးက ငြိမ်းချမ်းရေး ရရှိရေး၊ အမေရိကန်၊ ဥရောပနှင့် ကမ္ဘာ့ မဟာမိတ်များသဘောနှင့်အညီ ရိုးသားပွင့်လင်းစွာ လုပ်ဆောင်မည်ဖြစ်သော်လည်း အမေရိကန်တင် သွင်းသည့် အဆိုအားလုံးသည် မိမိတို့ နှင့် မဆိုင်သဖြင့် ချင့်ချိန်ဆုံးဖြတ်မှုများ လုပ်ဆောင်သွားရမည် ဟု လူမှုကွန်ရက် X တွင် ရေးတင်သွားခဲ့သည်။
ကိုကလင်း
Ref: Thesun
#MeKongNews
#ရုရှား
#ယူကရိန်း
#ငြိမ်းချမ်းရေး
#ဒေါ်နယ်ထရမ့်
