မဲခေါင်၊ နိုဝင်ဘာ ၂၁
ထိုင်းနိုင်ငံ အကျင့်ပျက်ခြစားမှုတိုက်ဖျက်ရေးအဖွဲ့ (ACT) ဥက္ကဌ ဒေါက်တာမာနာနီမစ်မွန်ကူးလ်ကိုယ် တိုင်က မိမိတို့ကျားဖြန့်၊ အွန်လိုင်းလောင်းကစားတိုက်ဖျက်နေမှုများသည် ကျရှုံးနေရပြီး မဆိုသလောက်သော အရေးမပါသည့် တရားခံအနည်းငယ်မျှကိုသာ ဖမ်းနိုင်ပြီး အမှန်တကယ် အကြီး စားဒုစရိုက်သမားများအား ထိုင်ဩဇာကြီး နိုင်ငံရေးသမားများနှင့် အုပ်ချုပ်သူအကြီးအကဲများက လာဘ်ငွေများရယူကာ အကာအကွယ်ပေးထားဟု ထုတ်ဖော်ပြောဆိုသွားခဲ့သည်။
နိုဝင်ဘာ ၁၉ ရက်နေ့က ဒေါက်တာမာနာသည် ၎င်း၏ ဖေ့စ်ဘုတ်အကောင့်တွင် အမှောင်ထဲမှ ဩဇာ ကြီးသူများနှင့်ချိတ်ဆက်နေသော ဒုစရိုက်သမားများဟု ခေါင်းစဉ်တပ်ကာ ယခုလို ပြတ်သားစွာ ဝေဖန် ခဲ့ခြင်းဖြစ်သည်။ အဆိုပါစွပ်စွဲမှုတွင် ဝန်ကြီးများ၊ လွှတ်တော်အမတ်များ၊ ရဲချုပ်ဟောင်းအပါ ရဲအရာရှိ ၂၀၀ ကျော်သည် ကျားဖြန့်၊ အွန်လိုင်းလောင်းကစားနှင့် ငွေကြေးခဝါချမှုများတွင် အကြီးစား ရာဇဝတ် သားများကို လာဘ်ငွေများ ရယူကာ ကာကွယ်ပေးထားကြောင်း၊ ထိုအမှန်တရားများကို ရဲချုပ်ဟောင်း ဆူရာချက်ဟက်ခ်ပန်းကိုယ်တိုင်လည်း သက်သေများ ထုတ်ပေးခဲ့ပြီးဖြစ်သည်ဟု ဆိုခဲ့သည်။
ထင်ရှားပြီး ဆိုးရွားသည့် အမှုတွဲများတွင် Tu Hao နှင့် Jinling စားသောက်ဆိုင်အမှု၊ Yu Xinqi ၏ ဗီဇာ လိမ်လည်ရယူပြီး တရုတ်နိုင်ငံသား ၇၀၀၀ ကို ထိုင်းနိုင်ငံအတွင်း ခေါ်သွင်းခဲ့မှု၊ စုံထောက် Sua အွန်လိုင်းလောင်းကစားကွန်ရက်၊ Minnie လောင်းကစားအမှု၊ 888 အွန်လိုင်းလောင်းကစား ပလက်ဖောင်းအမှုတို့ပါဝင်နေသည်။
ဒေါက်တာမာနာက မြန်မာဘက်ကျားဖြန့်လုပ်ငန်းများနှင့် နယ်စပ်ဖြတ်ကျော်ရာဇဝတ်မှုများတွင် ယခင် အထက်လွှတ်တော်အမတ်ပါဝင်ပတ်သက်နေမှု၊ စီနီယာ ရဲအရာရှိကြီးများ ပါဝင်နေမှု၊ ကမ္ဘောဒီးယား သံသယကျားဖြန့်သူဌေး Kok An နှင့် Ly Yong Phat တို့ မိသားစုဝင်များ ထိုင်းနိုင်ငံသားမှတ်ပုံတင် ကတ်များရရှိခဲ့ပြီး ပြည်ထဲရေးဝန်ကြီးဌာနမှ ပြန်ဖျက်သိမ်းလိုက်သည်ဟု ကြေညာသော်လည်း မည်သည့်အကြောင်းများဖြင့် ထိုင်းနိုင်ငံသားဖြစ်ခွင့်ပေးခဲ့သည်ကို ယခုအထိ နှုတ်ပိတ်နေခဲ့ကြောင်း ပြောသည်။
ထိုင်းပြည်သူများသည် ကျားဖြန့်ကွန်ရက်ကြောင့် တစ်နှစ်လျှင် ဘတ် ဘီလီယံ ၁၀၀ ကျော် ဆုံးရှုံးနေရ သော်လည်း တရားလက်လွတ် မူးယစ်ဆေးဝါးမှောင်ခိုမှု၊ လောင်းကစားမှု၊ ငွေကြေးခဝါချမှုနှင့် ကွန်ပျူ တာရာဇဝတ်မှုများတွင် နိုင်ငံ၏ ဩဇာကြီးမားသော တာဝန်ရှိသူများက အကာအကွယ်ပေးထားသဖြင့် ငွေကြေးလမ်းကြောင်းလိုက်လံစုံစမ်းရန်လည်း အလွန်ခက်ခဲနေကြောင်း၊ အကျင့်ပျက်ခြစားနေမှုများ ရပ်တန့်သင့်ပြီဟု ရေးသားဝေဖန်သွားခဲ့သည်။
ကိုကလင်း
Ref:The Nation
#MeKongNews
#ကျားဖြန့်
#ထိုင်းနိုင်ငံ
#လာဘ်စား
#အွန်လိုင်းလောင်းကစား
