မဲခေါင်၊ နိုဝင်ဘာ ၆
ဂျပန်နိုင်ငံတွင် ယခု ၂၀၂၅ ခုနှစ်အတွင်း ဝက်ဝံများရန်ကြောင့် သေဆုံးသူပေါင်း စံချိန်တင်အဖြစ် ၁၁ ဦး ရှိလာကာ ၁၀၀ ကျော်ဒဏ်ရာရသဖြင့် ပြည်သူများအကူအညီတောင်းခံမှုအရ စစ်တပ်ပါ စေလွှတ်ပေး ထားရကြောင်း သိရသည်။
သွေးစာနေသော ဝက်ဝံများရန်ကြောင့် နောက်ဆုံးသေဆုံးရသူမှာ တောတောင်ထူထပ်သည့် အာခီတာ စီရင်စုမှ အသက် ၇၉ နှစ်အရွယ် ကီယိုဂိုတိုဆိုသော အမျိုးသမီးကြီးဖြစ်ပြီး မှိုနှုတ်ရာသီရောက်သဖြင့် မိသားစုအား မှိုရှာရန်ထွက်သွားသည်ဟု ဖုန်းဆက်အကြောင်းကြားပြီးနောက် ပြန်ရောက်မလာတော့ဘဲ နိုဝင်ဘာ ၃ ရက် မနက်ပိုင်းက မျက်နှာကိုဝက်ဝံများရန်ပြုထားသည့် ဒဏ်ရာများဖြင့် တောထဲ သေဆုံးနေသည်ကို တွေ့ရှိခဲ့ရခြင်းဖြစ်သည်။
၂၀၂၅ ခုနှစ်တွင် ဂျပန်နိုင်ငံအတွင်း ထူးထူးခြားခြား ဝက်ဝံတိုက်ခိုက်မှုကြောင့် ၁၁ ဦးသေဆုံးကာ ၁၀၀ ကျော်ဒဏ်ရာရခဲ့ရာ စာသင်ကျောင်းအပြင်ဘက်၊ ဘတ်စ်ကားမှတ်တိုင်၊ စူပါမားကက်အတွင်းအထိပင် ဝက်ဝံများ ဝင်ရောက်တိုက်ခိုက်မှုများရှိခဲ့ပြီး အမျိုးသားတစ်ဦးဆိုလျှင် ခေါင်းပင်ပြတ်ထွက်ကာ ဒဏ်ရာရသူများဆိုလျှင်လက် ခြေလက်များပြတ်ထွက်သည်အထိ ဆိုးရွားခဲ့သည်။
အာခီတာစီရင်စုတွင် ဝက်ဝံများ အဆိုးရွားဆုံးအဆင့်မြင့် ရန်မူတိုက်ခိုက်နေသဖြင့် မြို့တောဝန် ကန်တာ ဆူဇူကီးက စစ်သားများစေလွှတ်ကာ ကူညီကာကွယ်ပေးရန် တောင်းဆိုခဲ့ရသည်ဟု ထုတ်ပြန်ပြောဆိုခဲ့ သည်။
ဂျပန်ကာကွယ်ရေးဝန်ကြီး ရှင်ဂျီရိုကိုအိဇုမိက အာခီတာစီရင်စု မြို့တော်ဝန်အား ဂျပန်နိုင်ငံ ဥပဒေအရ ဝက်ဝံများကို တိုက်ရိုက် ပစ်ခတ်သတ်ဖြတ်ရှင်းလင်မရနိုင်သဖြင့် မိမိကိုယ်ကိုယ်ကာကွယ်ရေးတပ်ဖွဲ့ (SDF) များအား စေလွှတ်ပြီး ဒေသခံများကို ဝက်ဝံများ အမဲလိုက်ခြင်းအတွက် လိုအပ်သည့် အထောက် အပံ့ပစ္စည်းများ၊ သင်တန်းများပေးသွားမည်ဟု ပြောဆိုခဲ့ကြောင်း သိရသည်။
အာခီတာစီရင်စုသည် ဂျပန်နိုင်ငံ မြောက်ဘက်စွန်း ဟွန်းရှူးကျွန်းအနီးတွင် တည်ရှိကာ အာရှဝက်ဝံနက် များစွာကျင်လည်ကျက်စားရာ ဟော့ကိုင်းဒိုးကျွန်း မြောက်ပိုင်းနှင့်လည်း နီးကပ်စွာတည်ရှိသဖြင့် ဝက်ဝံ တိုက်ခိုက်ခံရမှုအများဆုံး စီရင်စုဖြစ်နေသည်။
အောက်တိုဘာ ၃၁ ရက်ကပင် ထိုစီရင်စုမှာပင် လူအုပ်စု တစ်စုအား ဝက်ဝံများတိုက်ခိုက်သဖြင့် တစ်ဦးသေဆုံးပြီး ၃ ဦး ဆေးရုံတင်ခဲ့ရသေးသည်။
ထိုဖြစ်စဉ် မတိုင်မီ နာရီပိုင်းအကြာက တိုယာမ စီရင်စု၌လည်း အသက် ၇၀ ဝန်းကျင် အမျိုးသမီးတစ်ဦး ဝက်ဝံ တိုက်ခိုက်ခံရသဖြင့် ဒဏ်ရာရခဲ့သေးသည်။
အီဝါတာစီရင်စု မြောက်ပိုင်းတွင်လည်း ပြီးခဲ့သည့်တစ်ပတ် ကပင် အိမ်ရှေ့ထွက်ကာ ရေချိုးနေသော အသက် ၆၀ အရွယ် ကတ်ဆုမိဆာကာဇာကီဆိုသူ ပျောက်ဆုံး သွားခဲ့ပြီး မနီမဝေးတွင် အလောင်းအပိုင်းအစများ တွေ့ရှိခဲ့ရသေးသည်။
ကိုကလင်း
Ref: Thesun
#MeKongNews
#ဂျပန်နိုင်ငံ
#ဝက်ဝံ
#ဟော့ကိုင်းဒိုးကျွန်း
#အာခီတာစီရင်စု
