မဲခေါင်၊ နိုဝင်ဘာ ၃
အမေရိကသို့ မူးယစ်ဆေးဝါးများအဓိက တင်သွင်းရာ ဗဟိုချက်နိုင်ငံဖြစ်နေသော ဗင်နီဇွဲလားနိုင်ငံ ကမ်းရိုးတန်း၌ အနည်းဆုံး အမေရိကန် စစ်သင်္ဘော ၁၀ စီးရောက်ရှိကာ ဝိုင်းထားပြီး ကုန်းတွင်းပိုင်း အထိ တိုက်ခိုက်ရန် အသင့်အနေအထားပြင်ဆင်းထားပြီးဖြစ်သောကြောင့် ဗင်နီဇွဲလားသမ္မတ မာဂျူရို က မဟာမိတ်ပူတင်အား လက်နက်များပေးပါရန် တောင်းပန်ခဲ့ကြောင်း သိရှိရသည်။
အမေရိကန်သမ္မတ ဒေါ်နယ်ထရမ့်က ဗင်နီဇွဲလားသမ္မတ မာဂျူရိုသည် အမေရိကသို့ ကိုကင်းနှင့် မူးယစ် ဆေးဝါးများ အဓိကတင်သွင်းနေသည့် မူးယစ်အကြမ်းဖက်ဂိုဏ်းများနောက်ကွယ်တွင် ကြိုးကိုင်ထားသူ မှာ မာဂျူရိုဖြစ်သောကြောင့် ဖမ်းမိနိုင်လျှင် ဆုကြေး ဒေါ်လာ သန်း ၅၀ ပေးမည်ဟုထုတ်ပြန်ထားသည်။
လက်ရှိတွင် ဗင်နီဇွဲလားကမ်းရိုးတန်းတွင် ကမ္ဘာ့အကြီးမားဆုံး လေယာဉ်တင်သင်္ဘောကြီးဖြစ်သော အမေရိကန်၏ USS Gerald R. Ford နှင့်အတူ စစ်သင်္ဘော အနည်းဆုံး ၁၀ စီးရောက်ရှိနေပြီး ဘင်လာဒင် အားရှင်းလင်းစဉ်က အသုံးပြုခဲ့သည့် Sniper scouts၊ Delta Force နှင့် Navy SEALs အထူးတပ်ဖွဲ့ ၁၀၀၀၀ ပါ စေလွှတ်ပေးထားကာ မကြာခဏ အမေရိကန်၏ F-35 ဖိုက်တာဂျက်လေယာဉ်များနှင့် B-2 မဟာဗျူဟာဗုံးကျဲလေယာဉ်များ ဗင်နီဇွဲလား ကမ်းခြေတွင် ပျံသန်းနေခဲ့သည်။
အမေရိကန်သည် ရက်ပိုင်းအတွင်းပင်မဟုတ်ဘဲ နာရီပိုင်းအတွင်းမှာပင် ဗင်နီဇွဲလားနိုင်ငံအတွင်းရှိ စစ်ရေးအဆောက်အအုံများကို ပစ်ခတ်တိုက်ခိုက်ရန် အသင့်အနေအထား ပြင်ဆင်ထားပြီးဖြစ်သော ကြောင့် မာဂျူရိုသည် မဟာမိတ်ဖွဲ့ထားသော ရုရှားသမ္မတ ပူတင်ထံ အမေရိကန်အား တန်ပြန်ကာကွယ် နိုင်ရေး လက်နက်များပေးပါရန် တောင်းပန်ထားကြောင်း သိရသည်။
အမေရိကန်အစိုးရထံမှတစ်ဆင့် ရရှိသော မှတ်တမ်းများကို Washington Post က ဖော်ပြရာတွင် မာဂျူရိုသည် ပူတင်ထံမှ ကာကွယ်ရေး ရေဒါများ၊ လေယာဉ်ပြင်ဆင်မှုနှင့် ဒုံးကျည်များပေးပါရန် တောင်းပန်ထားသည်ဟုဆိုသည်။ ထို့အပြင် မာဂျူရိုသည် တရုတ်နှင့် အီရန်ထံမှလည်း အမေရိကန်ကို တန်ပြန်နိုင်ရေး လက်နက်များတောင်းဆိုထားဖွယ်ရှိသည်ဟု ယုံကြည်ရကြောင်း အဆိုပါသတင်းက ဖော်ပြသွားခဲ့သည်။
အမေရိကန်သည် ဗင်နီဇွဲလားနိုင်ငံအတွင်းရှိ စစ်ရေးလေတပ်အခြေစိုက်စခန်းများ၊ မူးယစ်အကြမ်းဖက် အဖွဲ့အသုံးပြုနေသည့် ဆိပ်ကမ်းများကို ပစ်မှတ်ထားတိုက်ခိုက်ကာ ထိပ်တန်းမူးယစ်ဂိုဏ်းခေါင်းဆောင် များအား ရက်ပိုင်း၊ နာရီပိုင်းအတွင် ကုန်းတွင်တိုက်ခိုက်ခြင်းဖြင့် ရှင်းလင်းတော့မည်ဟု သတင်းများ ကျယ်ကျယ်ပြန့်ပြန့်ထွက်ပေါ်နေသည်။
ထိုသတင်းများအား ဟုတ်မဟုတ် Miami Herald သတင်းဌာန က Air Force One လေယာဉ်ကြီးပေါ်တွင် ကမ္ဘာပတ်သွားလာနေသည့် ထရမ့်အား ဆက်သွယ်မေးမြန် ရာတွင်မူ မဟုတ်မှန်ဟု ဖြေကြားခဲ့ကြောင်း သိရသည်။
သို့သော် ထရမ့်သည့် ဇွန်လက အီရန် နျူကလီးယားဆိုက်များကို ပစ်ခတ်တိုက်ခိုက်တော့မည်ဟု သတင်းထွက်စဉ် မေးမြန်းစဉ်ကလည်း ထိုသို့ ငြင်းဆိုခဲ့ပြီး နာရီပိုင်းအကြာမှာပင် ပစ်ခတ်တိုက်ခိုက်မှုများ လုပ်ဆောင်ခဲ့သဖြင့် ၎င်းငြင်းဆိုလျှင် ထိုသင်းမှာ အမှန်တကယ်သာ ဖြစ်မည်ဟု သုံးသပ်နေကြသည်။
ကိုကလင်း
Ref: Thesun
#MeKongNews
#အမေရိကန်
#ဗင်နီဇွဲလား
#မာဂျူရို
#မူးယစ်ဆေးဝါး
