မဲခေါင်၊ နိုဝင်ဘာ ၃
လွန်ခဲ့သည့်တစ်လက ဆီးရီးယားနိုင်ငံ အလက်ပိုမြို့တွင် အလိုရှိနေသော IS အကြမ်းဖက်စစ်သွေးကြွ ၂ ဦးလိုက်ပါလာသည့်ကားကို ဒရုန်းဖြင့် တိုက်ိခုက်သုတ်သင်ခဲ့ကြောင်း ဗြိတိန်တော်ဝင်လက်နက်ကိုင် တပ်ဖွဲ့ (RAF) က နိုဝင်ဘာ ၁ ရက်နေ့၌ ရုပ်သံမှတ်တမ်းနှင့်တကွ ထုတ်ပြန်သွားခဲ့သည်။
ပြီးခဲ့သည့်ဖေဖော်ဝါရီလက ဆီးရီးယားအာဏာရှင် အယ်လ်အာဆတ်အစိုးရ ပြုတ်ကျပြီး ရုရှားသို့ ထွက်ပြေးသွားပြီးနောက် ပြည်တွင်းစစ်ဒဏ်ဖြင့် ထောင်းထောင်းကြေနေသော ဆီးရီးယားနိုင်ငံကို အစ္စလာမ္မစ်စစ်သွေးကြွများနှင့် ပိုမိုနီးစပ်သည့် အစိုးရသစ်က အုပ်ချုပ်နေရာ ဗြိတိန်တိုက်ခိုက်ရေး ဒရုန်းတပ်ဖွဲ့သည် ဆီးရီးယားနိုင်ငံအတွင်း IS များအား သုတ်သင်မှုလုပ်ငန်းစဉ်များကို ဆက်လက် လုပ်ဆောင်နေခြင်းဖြစ်သည်။
ယင်းစစ်ဆင်ရေးကို Operation Shader ဟုခေါ်ဆိုပြီး ၂၀၂၄ ခုနှစ်ကတည်းက ယခင် အီရတ်၌ စစ်ဆင်ရေးဆင်သော ဒရုန်းတပ်ဖွဲ့အား ဆီးရီးယားသို့ စေလွှတ်ထားရှိပြီး တိုက်ခိုက်နေခြင်းဖြစ် ကြောင်း၊ ယခု IS နှစ်ဦးအား ဒရုန်းဖြင့် ကားကို ဖောက်ခွဲတိုက်ခိုက်မှုသည် လွယ်ကူသည့်အလုပ်မျိုး မဟုတ်ဘဲ အများပြည်သူများ ထိခိုက်မှုမရှိစေသည့် နေရာရောက်မှ ရှင်းလင်းနိုင်ရန် ၁ လကြာ အချိန် ယူခဲ့ရသည်ဟု ယူကေ လက်နက်ကိုင်တပ်ရင်းဝန်ကြီး Al Carns က ရှင်းလင်းပြောကြားခဲ့သည်။
အောက်တိုဘာ ၂၈ ရက်ကလည်း ဆီးရီးယားနိုင်ငံ ဟားမားမြို့တွင် ဆိုင်ကယ်စီးနေသည့် IS အကြီး အကဲတစ်ယောက်ကို ဒရုန်းဖြင့် ရှင်းလင်းခဲ့သေးပြီး ဇွန်လကလည်း ဆိုင်ကယ်စီးနေသည့် IS ဂျီဟက် တစ်ယောက်အား ပေါင် ၂၄ သန်းတန် Reaper ဒရုန်းကြီးပေါ်မှ Hellfire ဒုံးကျည်တစ်လုံး အသုံးပြု ပစ်ခတ်ကာ ရှင်းလင်းနိုင်ခဲ့သေးကြောင်း Al Carns က ထုတ်ပြန်သွားခဲ့သည်။
ကိုကလင်း
Ref: Thesun
#MeKongNews
#ဆီးရီးယား
#ဗြိတိန်
#အလက်ပို
#ဒရုန်း
