မဲခေါင်၊ အောက်တိုဘာ ၂၈
အောက်တိုဘာ ၂၆ ရက်က တောင်တရုတ်ပင်လယ်အတွင်း အမေရိကန်၏ USS Nimitz လေယာဉ်တင် သင်္ဘောကြီးပေါ်မှ ဖိုက်တာဂျက်လေယာဉ် တစ်စီးနှင့် ရဟတ်ယာဉ် တစ်စီးတို့ နာရီဝက်သာခြားပြီး ပျက်ကျခဲ့ရကြောင်း သိရသည်။
အမေရိကန် ပစိဖိတ်ရေယာဉ်စုမှ အောက်တိုဘာ ၂၇ ရက်တွင် ထုတ်ပြန်ကြေညာချက်အရ MH-60R Sea Hawk ရဟတ်ယာဉ်သည် နေ့လည် ၂ နာရီ ၄၅ မိနစ်တွင် ပျက်ကျကာ နေ့လည် ၃ နာရီ ၁၅ မိနစ်၌ A F/A-18F Super Hornet ဖိုက်တာဂျက်လေယဉ်ပျက်ကျခြင်းဖြစ်ကြောင်း၊ သို့သော် ရဟတ်ယာဉ် ပေါ်လိုက်ပါသူ ၃ ဦးနှင့် ဂျက်လေယာဉ်ပေါ် လိုက်ပါသူ ၂ ဦးတို့အားလုံး ဘေးအန္တရာယ်ကျင်းစွာ ထွက်နိုင်ခဲ့ကြောင်း၊ ဖြစ်စဉ်ကို စုံစမ်းမှုများ ပြုလုပ်နေဆဲဖြစ်သည်ဟု ထုတ်ပြန်သွားခဲ့သည်။
Nimitz လေယာဉ်တင်သင်္ဘောကြီးသည် လက်ရှိ တာဝန်ထမ်းဆောင်နေဆဲ အမေရိကန် လေယာဉ်တင် သင်္ဘောများအနက် သက်တမ်းအရှည်ကြာဆုံးသော သင်္ဘောကြီးဖြစ်ကာ မတ် ၂၆ ရက်မှ စတင်ပြီး ဟူသီသူပုန်များ၏ သင်္ဘောများအား တိုက်ခိုက်မှုမှ ကာကွယ်နိုင်ရေး အရှေ့အလယ်ပိုင်းသို့ ရောက်ရှိလာခြင်းဖြစ်သည်။
ယင်းသင်္ဘောကြီးကို အမေရိကန်ရေတပ်သည် ၂၀၂၆ ခုနှစ်တွင် အနားပေးဖွယ်ရှိကြောင်းလည်း သိရှိရသည်။
ကိုကလင်း
Ref: asiaone
#MeKongNews
#တောင်တရုတ်ပင်လယ်
#အမေရိကန်
#ရဟက်ယာဉ်
#လေယာဉ်တင်သင်္ဘော
