မဲခေါင်၊ အောက်တိုဘာ ၂၄
တရုတ်၊ အမေရိကအပါ နိုင်ငံတကာဖိအားပေးမှုများကြောင့် ကျားဖြန့်နှိမ်နင်းမှုများလုပ်ဆောင်လာနေ ရာ အောက်တိုဘာ ၂၀ ရက်က ထိုင်း-မြန်မာနယ်စပ် နာမည်ကြီး ကျားဖြန့်ဝန်းကြီးဖြစ်သော KK Park သို့ စစ်ကောင်စီတပ်များ စီးနင်းသည်ဟု ဆိုပြီးနောက် အောက်တိုဘာ ၂၄ ရက်မနက်အထိ ထိုင်းနိုင်ငံ မဲဆောက်မြို့သို့ ကျားဖြန့်ဝန်းမှ ထွက်ပြေးလာသူပေါင်း ၁၀၀၀ ကျော်ရှိခဲ့ပြီဟု သိရသည်။
အားလုံးသည် သံသယကျားဖြန့်လုပ်သားများဖြစ်နိုင်ပြီး ထွက်ပြေးလာသူများထဲတွင် အိန္ဒိယ နိုင်ငံသား အများဆုံးဖြစ်ကာ ၃၉၉ ယောက်ရှိကြောင်း၊ တရုတ်နိုင်ငံသား ၁၄၇ ယောက်ပါဝင်သလို ထိုင်းနိုင်ငံသား ၃၁ ယောက်အပြင် ဗီယက်နမ်၊ ဖိလစ်ပိုင်၊ အီသီယိုးပီးယား၊ ပါကစ္စတန်၊ အင်ဒိုနီးရှားနှင့် နီပေါနိုင်ငံသား စုစုပေါင်း ၁၀၄၉ ယောက်ရှိသည်ဟု ထိုင်းမီဒီယာများက ထုတ်ပြန်ခဲ့သည်။
ကမ္ဘောဒီးယားတွင်လည်း ဆာခဲယိုကျားဖြန်ရပ်ဝန်းသို့ တောင်ကိုရီးယား အထူးစုံစမ်းစစ်ဆေးရေးတပ် များ ဝင်ရောက်စီးနင်မည်ဟု သတင်းများထွက်ပေါ်နေရာ အဆိုပါ ကျားဖြန့်လုပ်ငန်းများမှ လူပေါင်းများ စွာသည်လည်း အုတ်အော်သောင်းနင်းဖြင့် ထိုင်းနှင့်မြန်မာဘက်ခြမ်းသို့ မြစ်များဖြတ်ကူးကာ ထွက်ပြေး နေကြသည်။
ထိုင်းအစိုးရသည် မြန်မာနိုင်ငံ ကရင်ပြည်နယ် မြ၀တီမြို့အနီးရှိ ရွေကုက္ကိုလ်မြို့သစ် ထူထောင်ခဲ့သော ရထိုက်ကုမ္ပဏီထူထောင်သူ ကျားဖြန့် ခေါင်းဆောင် ရှီဇီးကျန့် (၄၃ နှစ်) ကိုလည်း ဖမ်းဆီးထိန်းသိမ်း ထားရာမှ မကြာမီ တရုတ်ထံ လက်လွှဲပေးအပ်တော့မည်ဟုလည်း သတင်းများ ခိုင်မာစွာ ထွက်ပေါ်နေ သည်။
ရှီဇီးကျန့်သည် တရုတ်နိုင်ငံသားအဖြစ်မှ ကမ္ဘောဒီးယားနိုင်ငံသားအဖြစ်သို့ ပြောင်းလဲ ခံယူထား သဖြင့် တရုတ်ဘက်မှ လွှဲပြောင်းပေးရန် တောင်းဆိုမှုကို ထိုင်းက ဖမ်းဆီးထားအပြီး ၂ နှစ်ဝန်းကျင် အထိ အကြောင်းမပြန်သေးဘဲ ယခုမှ တရုတ်လက်သို့ ပြန်အပ်ရန် စီစဉ်နေခြင်းဖြစ်သည်။
ကိုကလင်း
Ref:Khaosod
#MeKongNews
#ကျားဖြန့်
#အာဆီယံ
#ထိုင်းနိုင်ငံ
#ကမ္ဘောဒီးယား
