မဲခေါင်၊ အောက်တိုဘာ ၂၄
ထိုင်းနိုင်ငံ ဘန်ကောက်ရှိ ဆက်ဟမ်ဗစ် ၂၁ လမ်းပေါ်မှ Sino-Thai Tower အဆောက်အအုံကို အောက်တိုဘာ ၂၄ ရက်တွင် ထိုင်းအထူးစုံစမ်းစစ်ဆေးရေးတပ်ဖွဲ့မှ ဝင်ရောက်စီးနင်းကာ ထိုအဆောက်အအုံရှိ Prince International Co., Ltd ရုံးခန်းသည် Prince Holding Group ပတ်သက်ကာ ရှယ်ယာပိုင်ဆိုင်ထားသည့် ထိုင်းနိုင်ငံသားများအကြောင်း ရှာဖွေစိစစ်ရန် စာရွက်စာတမ်းများ သိမ်းဆည်းခဲ့ခြင်းဖြစ်ကြောင်း သိရသည်။
ဒေသစံတော်ချိန် နံနက် ၉ နာရီခွဲတွင် ဒုတိယရဲမှူးကြီး ဝစ်ဆနူ၊ တရားရေးဆိုင်ရာ ဗူရို၏ ဒုတိယညွှန်ကြားရေးမှူးချုပ်အန်ဆူကိတ်တို့ ဦးဆောင်သော အထူးစုံစမ်းစစ်ဆေးရေးအဖွဲ့ (DSI) အရာရှိ များ ဝင်ရောက်စီးနင်းခဲ့ခြင်းဖြစ်သည်။
Sino-Thai Tower ကို Sino-Thai Engineering and Construction Public Company Limited (STECON) မှ ပိုင်ဆိုင်ထားကာ ထိုကုမ္ပဏီကြီးတွင် ယခင်က လက်ရှိ ထိုင်းဝန်ကြီးချုပ် အနုတင်ချန်ဗီယာကူရ် က အမှုဆောင်လည်းဖြစ် အဓိက ရှယ်ယာပိုင်ရှင်အဖြစ် ပတ်သက်ခဲ့သည်။
သို့သော် အနုတင်သည် ၎င်း၏ရှယ်ယာများကို ၂၀၁၉ ခုနှစ်ကတည်းက ၎င်း၏ မိသားစုပိုင်အဖြစ် ချန်ဗီယာကူရ်မိသားစုသို့ အားလုံး ရောင်းချခဲ့ပြီဖြစ်ကြောင်း ထုတ်ပြန်ထားသည်။
ယခုပြဿနာသည် ၃၇ နှစ်အရွယ် ကမ္ဘောဒီးယားနွယ်ဖွား ဗြိတိန်သား ချန်ဇီ (ဗင်းဆင့်) ပိုင်ဆိုင်သည့် ကမ္ဘောဒီးယားအခြေစိုက် ကျားဖြန့် ငွေကြေးခဝါချမှု အဓိကလုပ်ဆောင်ပေးနေသော Prince Holding Group ကို အမေရိကန်က ပိတ်ဆို့အရေးယူမှုများပြုလုပ်ခဲ့အပြီးတွင် Prince International သည်လည်း Prince Holding နှင့်ကျားဖြန့်ငွေကြေးခဝါချမှု၌ ဆက်နွယ်နေနိုင်သည်ဟု သတင်းများ ထွက်ပေါ်ခဲ့သလို ထိုင်းနိုင်ငံအကြီးအကဲ ၇ ဦးလည်း ကျားဖြန့်လုပ်ငန်းများတွင် ဦးဆောင်ပါဝင်နေသည် ဟု စွပ်စွဲချက်များ ထွက်လာခြင်းကြောင်း ဝင်ရောက်စီးနင်းခြင်းဖြစ်သည်။
ကိုကလင်း
Ref: KhaosodEnglish
#MeKongNews
#ထိုင်းနိုင်ငံ
#ကျားဖြန့်
#ကမ္ဘောဒီးယား
#ထိုင်းရဲတပ်ဖွဲ့
