မဲခေါင်၊ အောက်တိုဘာ ၇
ရုရှားတပ်များ ထိုးစစ်ဆင် သိမ်းပိုက်နေသည့် ယူကရိန်းနိုင်ငံ၊ ဒိုးနက်စ်ဒေသ၊ ဒိုပရိုပီလီယာအရပ်ရှိ တံတား ၂ စင်းအား ကင်းပုန်းချကာကွယ်ရန် စေလွှတ်ခဲ့ရသော ယူကရိန်းစစ်သား ရက်စ်သည် ဝိုင်းခံထားရသည့်ကြားမှ ရက် ၅၀ ကြာ တစ်ဦးတည်း ခံတုပ်ကျင်းခံတပ်ထဲမှ ခုခံပြီး ရုရှားစစ်သား ၂၇ ယောက်ကို ရှင်းလင်းသုတ်သင်နိုင်ခဲ့သည်။
ပုပ်အက်အက်အနံများဖြင့် မြေအောက် ခံတုပ်ကျင်းခံတပ်ထဲမှ ရုရှားစစ်သည်များကို ခုခံရန် ၂ ဦး တည်းကိုသာ စေလွှတ်ပေးခဲ့ခြင်းဖြစ်ရာ ရက် ၃၀ မြောက်တွင် အတူနေသည့် အာတစ်ဆိုသော ရဲဘော်ရဲဘက်မှာ မော်တာကျည်ထိသဖြင့် ဆေးကုသရန် လမ်းရှာပြီး ထွက်သွားခဲ့ရာ ရက်စ် တစ်ယောက်သာ ကျန်ရစ်ပြီး နောက်ထပ် ရက် ၂၀ အထိ ရုရှားတပ်များကို သေနတ်တစ်လက်တည်းဖြင့် ခုခံတိုက်ခိုက်ခဲ့ရခြင်း ဖြစ်သည်။
ဒရုန်းသံမှန်း ခြင်သံမှန်းတောင် မခွဲတတ်တော့ဘဲ အသားခြောက်သာစား၊ အိမ်သာကြုံသလိုတက်၊ တစ်နေ့တစ်နေ့ အမြင့်ဆုံးသော ဇိမ်ခံမှုသည် ခမောက်နှင့် ကျည်ကာဝတ်စုံကို နာရီဝက်မျှသာ ချွတ်ထားခြင်းဖြစ်ကြောင်း၊ အလေးမ၊ ထိုင်ထလုပ်ခြင်းဖြင့် စိတ်တည်ငြိမ်စေရန် သတိကြီးစွာထားသည့် အနေအထားဖြင့် လုပ်ဆောင်ကာ ရုရှားစစ်သားပေါင်း ၂၇ ယောက်ကို ရှင်းလင်းသုတ်သင်နိုင်ခဲ့ခြင်း ဖြစ်ကြောင်း ရက်စ် က The Times သို့ ပြောကြားသွားခဲ့သည်။
ရှင်သန်လွတ်မြောက်နိုင်ခဲ့သော တပ်သားရက်စ်ကို ယူကရိန်းနိုင်ငံ၏ အမြင့်ဆုံးသူရဲကောင်းဆုပေးအပ်ရန်လည်း ထောက်ခံချက်ပေးထားပြီးဖြစ်သည်ဟု သိရှိရသည်။
ကိုကလင်း
Ref: Thesun
#MeKongNews
#ရုရှား
#ယူကရိန်း
#ဒရုန်း
#ဒိုးနက်စ်ဒေသ
