မဲခေါင်၊ စက်တင်ဘာ ၂၆
နယ်စပ်လုံခြုံရေး၊ ဥပဒေစိုးမိုးရေးနှင့် သတင်းအချက်အလက်များ ဖလှယ်ကာ လူ၊ လက်နက်၊ မူးယစ်ဆေးမှောင်ခိုမှုများနှင့် ကျားဖြန့်ဒုစရိုက်လုပ်ငန်းများ တိုက်ဖျက်ရေး စက်တင်ဘာ ၂၃ နှင့် ၂၄ ရက်နေ့များတွင် ထိုင်းနိုင်ငံ၊ နောင်ခိုင်၌ အမေရိကန်၊ ထိုင်းနှင့်လာအိုတို့မှ ကိုယ်စားလှယ်များစည်းဝေးပြီး ဆွေးနွေးခဲ့ကြသည်။
လာအိုနှင့်ထိုင်းတို့မှ အမေရိကန်သံရုံးများက ဦးဆောင်ပြီး နယ်စပ်တစ်လျှောက် နေ့စဉ်ဘ၀များ၊ လူမှု အသိုင်းအဝိုင်းများ၊ စီးပွားရေလုပ်ငန်းများကို ဆိုးရွားစွာ ထိခိုက်စေသော နယ်စပ်ဖြတ်ကျော် ဒုစရိုက်မှုများကို တိုက်ဖျက်သွားရေး ပူးပေါင်းဆောင်ရွက်မှု တိုးမြှင့်အကောင်အထည်ဖော်ရန် စည်းဝေး ခဲ့ခြင်းဖြစ်သည်။
ထိုအစည်းအဝေးသို့ ထိုင်းနှင့်လာအိုမှ လူဝင်မှုကြီးကြပ်ရေးတာဝန်ရှိ အရာရှိများ ၁၅ ဦးစီး တက်ရောက် ကာ အမေရိကန်သံတမန်လုံခြုံရေးဝန်ဆောင်မှုအဖွဲ့ဝင်များ၊ ဘန်ကောက်နှင့် ဗီယန်ကျင်းရှိ အမေရိကန် သံရုံးအဆင့်မြင့်အရာရှိများ၊ အမေရိကန်ပြည်တွင်းလုံခြုံရေးစုံစမ်းစစ်ဆေးမှုအဖွဲ့၊ အမေရိကန် အကောက်ခွန်နှင့် နယ်စပ်ကာကွယ်ရေးရုံးတို့မှ ကိုယ်စားလှယ်များလည်း တက်ရောက်ခဲ့ကြသည်။
၎င်းတို့သည် အွန်လိုင်းလိမ်လည်မှု၊ လက်နက်၊ လူနှင့် မူးယစ်ဆေးမှောင်ခိုမှုများ၊ ကလေးသူငယ်များအား ခေါင်းပုံဖြတ်မှုများစသည့် ရာဇဝတ်မှုများကို တိုက်ဖျက်ရေးအတွက် ပါဝင်သူ တိုင်း သတင်းအချက်အလက်များ ဖလှယ်ရေး၊ ဆက်သွယ်မှုနှင့် ပူးပေါင်းဆောင်ရွက်မှုအတိုင်းအတာ များ ထပ်မံမြှင့်တင်ရေးများအတွက် ဆွေးနွေးခဲ့ခြင်းဖြစ်သည်။
နိုင်ငံအားလုံးသည် ဥပဒေများနှင့် နယ်နိမိတ်များကို လျစ်လျူရှုကာ အခြားသူများကို ရာဇ၀တ်ကောင်များမှ အမြတ်ထုတ်နေခြင်းအပေါ် တားဆီးရန် ဒေသတွင်း ပူးပေါင်းဆောင်ရွက်မှု၏ အရေးကြီးမှုကို အလေးပေးဖော်ပြခဲ့သည်။
ယင်း ထိုင်း-လာအိုနှင့် အမေရိကန် ၃ နိုင်ငံ ပူးပေါင်းဆောင်ရွက်မှုသည် အာဆီယံဒေသအတွင်း အမေရိကန်မှ ဦးဆောင်အစပျိုးထောက်ပံ့နေသည့် ရာဇဝတ်မှုတိုက်ဖျက်ရေး အစီအစဉ်များကဲ့သလို့ပင် အာဆီယံဒေသတစ်လျှောက် နယ်စပ်ဖြတ်ကျော်ပူးပေါင်းနှိမ်နင်းမှုများကို လုပ်ဆောင်မည်ဖြစ်သည်ဟု လည်း ထုတ်ပြန်ခဲ့သည်။
ထိုဆွေးနွေးမှုအရေးများသည် နောက်လတွင် ကွာလာလမ်ပူ၌ ကျင်းပမည့် အာဆီယံညီလာခံ၌ အဓိက ဆွေးနွေးအဖြေရှာမည့် ခေါင်းစဉ်များဖြစ်သည်ဟုလည်း ဆိုသည်။
ကိုကလင်း
Ref: The Nation
#MeKongNews
#ကျားဖြန့်
#မူးယစ်ဆေးဝါး
#လာအိုနိုင်ငံ
#ထိုင်းနိုင်ငံ
#အမေရိကန်
