မဲခေါင်၊ စက်တင်ဘာ ၁၉
ရုရှားနိုင်ငံမှ နာမည်ကြီး အမျိုးသားကြိုက် ပလေးဘွိုင်းမဂ္ဂဇင်းအယ်ဒီတာချုပ်ဟောင်း ဗလာဒီမာ လျာပိုရော့ဗ် (၄၈ နှစ်) ကို ငွေကြေးလိမ်လည်မှုဖြင့် အမှုစစ်ဆေးနေရာမှ ယခု ယူကရိန်းရှေ့တန်း စစ်မျက်နှာပြင်သို့ ပို့ဆောင်လိုက်ကြောင်း သိရှိရသည်။
လျာပိုရော့ဗ်သည် လန်ဒန်ရှိ ကုမ္ပဏီ ၂ ခုနှင့်ပတ်သက်ကာ ငွေကြေးအလွဲသုံးစားလုပ်ခဲ့သလို ဘဏ္ဍာရေး ပိရမစ်စနစ်သုံး ငွေလိမ်မှုမှ လူ ၈ ယောက်ထံမှ ပေါင် ၄၄၅၀၀၀ လိမ်လည်ခဲ့မှုဖြင့် အမှုရင်ဆိုင်နေရသူ ဖြစ်သည်။
သို့သော် ပူတင်သည် ထောင်ကျနေသူများ၊ ပြစ်မှုကျူးလွန်သူများကို ယူကရိန်းရှေ့တန်းသို့ သွားပြီး စစ်မှုထမ်းပေးလျှင် ပြစ်ဒဏ်မှ ပယ်ဖျက်ပေးနေသည့်အစဉ်အလာအတိုင်း လျာပိုရော့ဗ်ကို ပြစ်ဒဏ်မှ လွှတ်ပေးခြင်းဖြင့် စစ်မှုထမ်းစာချုပ်ချုပ်ပြီး ယူကရိန်းရှေ့တန်းသို့ ပို့ဆောင်လိုက်ခြင်းဖြစ်သည်ဟု REN TV ချန်နယ်မှ ထုတ်ပြန်ရေးသားသွားခဲ့သည်။
လျာပိုရော့ဗ်သည် ၂၀၀၇ ခုနှစ်မှ စတင်ကာ ရုရှား Playboy မဂ္ဂဇင်း အယ်ဒီတာချုပ်တာဝန် ယူခဲ့သူဖြစ်သည်။
ပူတင်သည် စက်တင်ဘာ ၁၆ ရက်နေ့က ယူကရိန်းစစ်ပွဲနှင့် မိုင် ၅၀၀ ကွာဝေးသည့် နော့ဗ်ဂိုရော့ဒ် ဒေသတွင် ကျင်းပနေသော ၂၀၂၅ War Games ပွဲသို့ စစ်ယူနီဖောင်းဝတ်ကာ တက်ရောက်လာခဲ့ပြီး စစ်သည် ၁၀၀၀၀၀၊ လက်နက်အမျိုးအစားပေါင်း ၁၀၀၀ ကျော်၊ သင်္ဘော၊ ရေငုပ်သင်္ဘော၊ ထောက်ပို့ ယာဉ် ၂၄၇ စီးအသုံးပြုကာ စစ်ရေးလေ့ကျင့်မှုများ လုပ်ဆောင်ပြီး နေတိုးအဖွဲ့အား တိုက်ခိုက်ရန် အသင့်ဖြစ်နေကြောင်း အင်အားထုတ်ပြခဲ့သည်။
ထို War Games သို့ ရုရှားမဟာမိတ် ၂၅ နိုင်ငံမှ ကိုယ်စားလှယ်များလည်း တက်ရောက်ပါဝင်ခဲ့ကြောင်း သိရသည်။
ကိုကလင်း
Ref:Thesun
#MeKongNews
#ရုရှား
#ပလေးဘွိုင်း
#အယ်ဒီတာချုပ်
#ယူကရိန်း
