မဲခေါင်၊ စက်တင်ဘာ ၁၅
ကိုဗစ်ကွာရန်တိုင်း ၅ ရက်ဝင်ပြီးနောက် ထောင်တွင်း စတင်ကျခံရပြီဖြစ်သော သက်ဆင်အား စက်တင်ဘာ ၁၅ ရက် ဒေသစံတော်ချိန် နံနက် ၁၀ နာရီ ၅၀ မိနစ်တွင် သမီးဖြစ်သူ ဝန်ကြီးချုပ်ဟောင်း ပေထောင်တန်နှင့် မိသားစုဝင်တချို့ ထောင်တွင်း သွားရောက်တွေ့ဆုံခဲ့ကြောင်း သိရသည်။
ယင်းသွားရောက်တွေ့ဆုံမှုနှင့်ပတ်သက်ပြီး ပေထောင်တန်က ထောင်မှပြန်အထွက် မီဒီယာများကို ယခုလိုပြန်လည်ရှင်းလင်းပြောဆိုသွားခဲ့သည်။
“ မိနစ် ၃၀ လောက် ဖန်တံတိုင်းခြားတဲ့အနေအထားကနေ စကားပြောခဲ့ရတယ်။ အဖေက ဆံပင်အတို ညှပ်ထားတယ်။ သွေးတိုးနဲ့ ဖိအားတချို့ဒဏ်ခံနေရပေမယ် စိတ်ဓာတ်ကတော့ ကောင်းနေဆဲပဲ။ အစောင့်တွေက အဖေကို အနီးအနားမှာ တခြားသူတွေ ခေါက်ဆွဲလာပြခိုင်းပြီး ထောက်ခံအားပေးကြောင်း ပြသခဲ့ကြပါတယ်။ ၁၇ နှစ်လုံးလုံး တစ်ယောက်နဲ့တစ်ယောက် မတွေ့နိုင်ခဲ့ တာက ပုံမှန်အနေအထားပါ။ ဒီနေ့ ကျွန်မတို့မိသားစုတွေ မှန်နံရန်ကာပြီး တွေ့ရတာကတော့ စိန်ခေါ်မှု အတွေ့အကြံတစ်ရပ်ပါပဲ။ ဒါပေမဲ့ တစ်ယောက်နဲ့တစ်ယောက် အားပေးကြတယ်။ ချင်းရိုင်မှာ ဖွေထိုင်းပါတီ အနိုင်ရမှုနဲ့ လူထုအားပေးမှုအတွက် အဖေကျေနပ်ဝမ်းမြောက်နေပါတယ်။ ကွာရန်တိုင်းဝင်တာ ၅ ရက်ပြည့်သွားပါပြီ။ ထောင်တွင်း အလုပ်တွေကိုတော့ စမလုပ်ရသေးပါဘူး။ လူငယ်ထောင်သားတွေက အဖေ့အတွေ့အကြုံနဲ့ပညာကိုသိကြတော့ ပညာဆည်းပူးချင်ကြတယ်။ အဖေကလည်း သင်ကြားပြသ ပေးရတာကို သဘောကျတဲ့သူပါ။ သူ့ပင်ကိုယ်သဘာ၀နဲ့ သိပ်လိုက်တဲ့အလုပ်ပါ။ ကျွန်မတို့ အဖေ့ဆီ ပုံမှန် လာရောက်လည်ပတ်ကြပါဦးမယ်” ဟု ပေထောင်တန်က ပြောသွားခဲ့သည်။
သက်ဆင်သည် ထောင်ဒဏ် ၈ နှစ်ကျခံရပြီးနောက် ပထမဆုံးညမှာပင် ကျန်းမာရေးအကြောင်းပြချက် ဖြင့် ဘန်ကောက်ရှိ ပြည်ထဲရေးအထွေထွေဆေးရုံကြီး ၁၄ လွှာသို့ တင်လိုက်ပြီး ဘုရင်က ၁ နှစ်ပြစ်ဒဏ် အပြီး လွတ်ငြိမ်းခွင့်ပေးခဲ့မှုမှ လွတ်မြောက်ခဲ့ခြင်းဖြစ်သည်။
သို့သော် အတိုက်အခံများက ထောင်ဒဏ်ကို အခွင့်ထူးခံအဖြစ် ဆေးရုံတွင် ဟန်ဆောင်နေထိုင်သွားသည်ဟု တရားစွဲဆိုရာမှ လွတ်ငြိမ်းတွင် ဆေးရုံပေါ်နေခဲ့သည့်ရက်များကို လျှော့ရက်အဖြစ်မတွက်ဘဲ ထောင်ဒဏ် တစ်နှစ်ကို ထောင်တွင်းကျခံရမည်ဟု ပြန်လည် အမိန့်ချမှတ်သဖြင့် ပြီးခဲ့သည့်တစ်ပတ်ကမှစတင်ပြီး ထောင်တွင်း သို့ဝင်ခဲ့ရခြင်းဖြစ်သည်။
ကိုကလင်း
Ref: Khaosod
#MeKongNews
#ထိုင်းနိုင်ငံရေး
#သက်ဆင်
#အတိုက်အခံ
#လွတ်ငြိမ်းချမ်းသာခွင့်
