မဲခေါင်၊ စက်တင်ဘာ ၉
ဟားမက်စ်ခေါင်းဆောင်ပိုင်းမှ တာဝန်ရှိသူများ ခိုအောင်းနေသည်ဆိုသည့် စွပ်စွဲချက်ဖြင့် ကာတာနိုင်ငံမြို့တော် ဒိုဟာရှိ အဆောက်အဦ တစ်ခုကို အစ္စရေးက ယနေ့ညပိုင်းတိုင် တိုက်ခိုက်လိုက်သည်။
မြန်မာစံတော်ချိန် ၉နာရီခန့်တွင် တိုက်ခိုက်လိုက်ခြင်းဖြစ်ပြီး ဟားမက်စ်ခေါင်းဆောင်ပိုင်း မည်သူ၊ မည်မျှ သေဆုံးသည်ကို မသိရသော်လည်း အဆောက်အဦမှာ ပျက်စီးသွားကြောင်း သတင်းများတွင် ဖော်ပြနေသည်။
ယင်းတိုက်ခိုက်မှုနှင့် ပတ်သက်ပြီး မေးခွန်းများစွာပေါ်ထွက်နေပြီး ယင်းထဲတွင် တိုက်ခိုက်မှုအပေါ် US အစိုးရကြိုတင်သိခဲ့၊ မသိခဲ့ဆိုသည်မှာလည်းပါဝင်နေသည်။
တိုက်ခိုက်ခံရသူများထဲတွင် အဝေးရောက်ဂါဇာခေါင်းဆောင်နှင့် ညှိနှိုင်းရေးမှူး ခါလီအယ်ဟေရာနှင့် ခေါင်းဆောင်တစ်ဦးဖြစ်သည့် ဇာဟာဂျာဘာရင်တို့ပါဝင်ကြောင်း အစ္စရေး အရာရှိတစ်ဦးက မီဒီယာများသို့ပြောသည်။
Ref: BBC
#MeKongNews
