မဲခေါင်၊ ဩဂုတ် ၂၆
နယ်စပ်စစ်ပွဲကြောင့် သိန်းချီသော ကမ္ဘောဒီးယားလုပ်သားများ နိုင်ငံပြန်သွားခဲ့သဖြင့် ထိုင်းလုပ်ငန်းများစွာတွင် လုပ်သားလိုအပ်ချက်ကြောင့် အခက်အခဲရှိနေရာ သီရိလင်္ကာမှ လုပ်သားများ MOU စနစ်ဖြင့် တင်သွင်းအစားထိုးမည့်အစီအစဉ်အပေါ် ပါတီတချို့က ကန့်ကွက်ကြသဖြင့် ထိုင်းအစိုးရသည် ပြည်တွင်းလုပ်သားများကိုသာ အစားထိုးနိုင်ရေး ထောင်သား၊ သက်ငယ်ထိန်းသိမ်းရေးစင်တာနှင့် စစ်မှုထမ်းများကို အစားထိုးခိုင်းစေမည်ဟု အဆိုပြုခဲ့သည်။
ထိုင်းအလုပ်သမားဝန်ကြီး ပေါင်ကာဝန်က ကုန်သည်ကြီးများအသင်းသည် အစိုးရ အဆိုပြုသော ပြည်တွင်းမှ လုပ်သားများကို အချိန်မီ အမြန်ဆုံးအစားထိုးနိုင်ရေး၊ ထောင်မှ လွတ်ကာနီး နေထိုင်ပြုမှုပုံ ကောင်းသူများ၊ လူငယ်အကျဉ်းထောင်မှသူများ၊ စစ်မှုထမ်းများအား အလုပ်သမားမှတ်ပုံတင်ပေးကာ လိုအပ်သည့် လုပ်ငန်းနေရာများတွင် အစားထိုးနိုင်ရေးကို ထောက်ခံကြောင်း၊ ပြည်ပလုပ်သားများ အစားထိုးခြင်းက အန္တရာယ်ရှိသည့်အနေအထားလည်း ဖြစ်နိုင်သဖြင့် ထိုသို့ စဉ်းစားအဆိုပြုလာခြင်း ဖြစ်ကြောင်း၊ အလုပ်သမားဌာနကလည်း အစိုးရအဆိုကို ထောက်ခံအားပေးသည့်အတွက် အကောင်အထည်ဖော်ရန် စည်းဝေးတိုင်ပင်သွားမည်ဟု ပြောကြားခဲ့သည်။
ဇူလိုင် ၂၆ ရက်တွင်လည်း ထိုင်းအလုပ်သမားဝန်ကြီးဌာနနှင့် ကုန်သည်များ၊ လုပ်ငန်းရှင်များသည် နိုင်ငံအတွင်း ဒုက္ခသည်စခန်းမှ အလုပ်လုပ်နိုင်စွမ်းရှိသူ ၄၅၀၀၀ ကို အလုပ်သမားမှတ်ပုံတင်ပေးပြီး လိုအပ်သည့် ထုတ်လုပ်ရေး၊ စိုက်ပျိုးရေးကဏ္ဍများတွင် ခိုင်းစေနိုင်ရန် ဆွေးနွေးမှု ပြုလုပ်ခဲ့သည်။
ကိုကလင်း
Ref:Khaosod
#MeKongNews
#ထိုင်းနိုင်ငံ
#အလုပ်သမား
#ကမ္ဘောဒီးယား
#သီရိလင်္ကာ
