မဲခေါင်၊ ဩဂုတ် ၂၆
ဩဂုတ် ၂၅ ရက် မွန်လွဲပိုင်းတွင် ဗီယက်နမ်နိုင်ငံသို့ တစ်နာရီ ၁၁၇ ကီလိုမီတာနှုန်းဖြင့်ဝင်ရောက်ခဲ့သော ကာဂျီကီတိုင်ဖွန်းမုန်တိုင်းကြောင့် အနည်းဆုံး ၃ ဦးသေဆုံးကာ နေအိမ်ပေါင်း ၇၀၀၀၊ စပါးခင်း ဟက်တာ ၂၈၈၀၀ ပျက်စီးပြီး သစ်ပင်ပေါင်း ၁၈၀၀၀ လဲပြိုခဲ့သည်ဟု ဩဂုတ် ၂၆ ရက် နံနက်ပိုင်းတွင် တာဝန်ရှိသူများက ထုတ်ပြန်ခဲ့ သည်။
၂၀၂၅ ခုနှစ်၏ အကြီးမားဆုံး မုန်တိုင်းအဖြစ် ဗီယက်နမ်သို့ ဝင်ခဲ့သော ကာဂျီကီ မုန်တိုင်းကြောင့် ဓာတ်တိုင်ပေါင်း ၃၃၁ တိုင်လည်း လဲကျခဲ့သဖြင့် သန်ဟွာ၊ အဂီအန်၊ ဟာတင်၊ ထိုင်းငုယင်နှင့် ဖူသို ခရိုင်များတွင် လျှပ်စစ်မီးများပြတ်တောက်ခဲ့ရသည်။
ဩဂုတ် ၂၆ ရက် မနက်ပိုင်း လူမှုကွန်ရက်ပေါ်မှ ဓာတ်ပုံများအရ ဟနွိုင်းမြို့ လမ်းများပေါ်တွင် ရေကြီးနေပြီး မိုးဆက်လက်သည်းထန်နေဆဲဖြစ်ကာ ဗီယက်နမ်မြောက်ပိုင်းဒေသများတွင် ဩဂုတ် ၂၆ ရက် မိုးရေချိန်သည် ၆ နာရီအတွင်း ၁၅၀ မီလီမီတာ (၆ လက်မ) အထိ မြင့်တက်နိုင်ပြီး ရေကြီးမြေပြိုမှု များဖြစ်ပွားနိုင်ကြောင်း ဗီယက်နမ် မိုးဇလ ဌာနမှ သတိပေးချက် ထုတ်ပြန်ထားသည်။
ယင်းကာဂျီကီမုန်တိုင်းသည် ဩဂုတ် ၂၆ ရက် မနက်ပိုင်းတွင် လာအိုနိုင်ငံထဲသို့ တိုးဝင်ရောက်ရှိလာခဲ့ပြီ ဖြစ်ကြောင်းလည်း သိရှိရကာ တရုတ်တောင်ပိုင်း ဟိုင်နန်ကျွန်းတွင် ဩဂုတ် ၂၄ ရက်က စတင်ပေါ်ပေါက်လာသည့် ထိုမုန်တိုင်းသည် လာအိုမှတစ်ဆင့် ထိုင်းနိုင်ငံ မြောက်ပိုင်းသို့ ဆက်လက် ဝင်ရောက်မည်ဖြစ်ကြောင်း သိရှိရသည်။
ကိုကလင်း
Ref: indiatoday
#MeKongNews
#ကာဂျီကီ
#တိုင်ဖွန်းမုန်တိုင်း
#ဗီယက်နမ်
#ထိုင်းမြောက်ပိုင်း
