မဲခေါင်၊ ဩဂုတ် ၂၀

ဩဂုတ် ၁၈ ရက်က အိမ်ဖြူတော်တွင် ယူကရိန်းသမ္မတ ဇီလန်းစကီးနှင့် အမေရိကန်သမ္မတ ဒေါ်နယ်ထရမ့်တို့ ငြိမ်းချမ်းရေးဆွေးနွေးမှုမလုပ်မီ ယူကရိန်းထံမှ ရုရှားတိုက်ခိုက်သိမ်းပိုက်ထားနိုင်သော ဇာပေါ်ရီဇီဟာဒေသတွင် ယူကရိန်းထံမှ သိမ်းဆည်းရမိထားသော အမေရိကန်ထုတ် M113 သံချပ်ကာကားပေါ်တွင် ရုရှားနှင့်အမေရိကန် အလံများထောင်ကာ အရှိန်ဖြင့်မောင်းနှင်လှောင်ပြောင်မှု လုပ်ဆောင်ခဲ့သည်။

ဩဂုတ် ၁၅ ရက်က ပူတင်သည် ဒေါ်နယ်ထရမ့်နှင့် အလက်စကားတွင် သွားရောက်တွေ့ဆုံပြီးနောက် ထရမ့်ဘက်က ၎င်းနှင့်ရုရှားတို့သည် မဟာမိတ်များအသွင်ဆောင်ကာ ရုရှားကို ဦးစားပေးသည့် သဘောတူညီချက်များကို လိုက်လျှောပြီးမှ ဇီလန်းစကီးနှင့်တွေ့ဆုံရှင်းပြကာ စာချုပ်ရန် စည်းရုံးခြင်း ဖြစ်သည်ဟု အဓိပ္ပါယ်ဖော်ဆောင်သော လှောင်ပြောင်မှုဖြစ်ကြောင်း Centre for the Study of the Occupation ခေါင်းဆောင် အန်ဒရေယူရှန်ကိုက ဝေဖန်သွားခဲ့သည်။

ယူရှန်ကိုက “အမေရိကန်ဟာ ရုရှားကို မျက်နှာသာပေးတဲ့ ကြိုတင်ဝါဒဖြန့်ခြင်းလုပ်ရပ်ပါ။ ပြောစရာ စကားမရှိတော့ပါဘူး” ဟု စိတ်ပျက်စကားဆိုခဲ့သည်။

ရုရှားဝါဒဖြန့် ချန်နယ်တစ်ခုကလည်း သိမ်းပိုက်ခံ ယူကရိန်းမြေပေါ် အမေရိကန်ထုတ် သံချပ်ကာကားပေါ် အမေရိကန်နဲ့ ရုရှားအလံ လွှင့်ထူမောင်းနှင်တာဟာ အလက်စကားမှာ ပူတင်နဲ့ထရမ့်တို့ ဆွေးနွေးမှုရလဒ် ဘာဖြစ်ခဲ့သလဲဆိုတာကို ခင်များတို့ သိစေဖို့ပါဟု ရေးသား လှောင်ပြောင်ခဲ့သည်။

ထရမ့်၏ အဆိုအရ ရုရှားတပ်များသည် တချို့သော သိမ်းပိုက်ထားနိုင်သည့် ယူကရိန်မြေပေါ်မှ ဆုတ်ခွာ ပေးမည်ဖြစ်ကာ ယူကရိန်းက ဒိုးနက်စ်နှင့် လူးဟန့်ခ်စ်ဒေသများကို လွှဲပေးရမည်ဖြစ်သလို နေတိုးအဖွဲ့ သို့ဝင်ရောက်နိုင်ရေးကိုလည်း စွန့်လွှတ်ပေးရမည်ဟု သိရသည်။

ကိုကလင်း
Ref: Thesun
#MeKongNews
#အမေရိကန်
#ရုရှား
#ယူကရိန်း
#သံချပ်ကာကား

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)