မဲခေါင်၊ ဇူလိုင် ၂၀
ဇူလိုင် ၁၈ ရက် နံနက်အစောပိုင်းတွင် ထိုင်းနိုင်ငံ ချင်းရိုင်ခရိုင် လာအိုနယ်စပ် ဝီယန်ကိန်းခရိုင်ခွဲ ချီဒီ သောင်ရွာအနီး မသင်္ကာဖွယ်ရာ တံခါး ၄ ပေါက် ထရပ်ကားသည် စစ်ဆေးရေးဂိတ်သို့ရောက်ရှိရန် မီတာ ၁၀၀ အလိုတွင် ရပ်တန့်သွားသည်ကို သွားရောက်စစ်ဆေးရာ ကားကိုစွန့်ပစ်ပြီး တောအုပ်တွင်း ဝင်ရောက်ထွက်ပြေးသွားကြသည်။
နံနက် ၂ နာရီအချိန်တွင် ဝီယံကိန်းရဲတပ်ဖွဲ့၊ ဒေသဆိုင်ရာ အာဏာပိုင်များနှင့် အရန်စစ်တပ်ဖွဲ့ဝင်များ၊ နယ်ခြားစောင့်တပ်များ ပူးပေါင်းကာ ပိတ်ဆို့စစ်ဆေးရန် ကြိုးစားစဉ် ဒရိုင်ဘာနှင့် ယာဉ်ပေါ်လိုက်လာ သူများ ကားထားခဲ့ပြီး တောထဲဝင်ပြေးသွားခဲ့ခြင်းဖြစ်သည်။
ထို့ကြောင့် ကျန်ရစ်ခဲ့သော ချင်းရိုင်နံပါတ်ပြားနှင့် ကားကို စစ်ဆေးရာ အိတ်ပေါင်း ၂၀ ကို တွေ့ရှိရသလို တစ်အိတ်တွင် စိတ်ကြဆေး ၂ သိန်းပါဝင်သဖြင့် စုစုပေါင်း ဆေးပြား အလုံး ၄ သန်း သိမ်းဆည်းရမိခဲ့သည်။
ယာဉ်ပေါ်တွင် အသက် ၂၈ နှစ်အရွယ် ချင်းမိုင်မြို့ မယ်အိုက်ခရိုင်ခွဲနေ ချိုင်ဝပ်ဆိုသူ၏ သက်သေခံ မှတ်ပုံတင်တစ်စောင့် တွေ့ရှိရသဖြင့် တာဝန်ရှိသူများက ထွက်ပြေးသွားသူများကို ဆက် လက် လိုက်လံရှာဖွေ ဖမ်းဆီးနိုင်ရေး ပြုလုပ်နေကြောင်း ချင်းရိုင်ရဲတပ်ဖွဲ့က ထုတ်ပြန်ကြေညာခဲ့သည်။
ကိုကလင်း
Ref: Bangkokpost
#MeKongNews
#မူးယစ်ဆေးဝါး
#ချင်းရိုင်
#ထိုင်းနိုင်ငံ
#လာအိုနယ်စပ်
