မဲခေါင်၊ ဇူလိုင် ၁၆
ဇူလိုင် ၁၄ ရက်ညနေပိုင်းတွင် အသက် ၂၄ နှစ်အရွယ် ပျောက်ဆုံး တရုတ်နိုင်ငံသား မစ္စတာယင်ဆိုသူ အလောင်းကို ထိုင်းနိုင်ငံ မဲရင်ခရိုင်၊ မဲရမ်ခရိုင်ခွဲ ဘန်ပန်ဟရူးလမ်းဘေးတစ်နေရာ၌ ပလတ်စတစ်၊ အိပ်ယာခင်းစများဖြင့် ပတ်ထားပြီး ပစ်ထားသည်ကို တွေ့ရှိရကာ တရုတ်နိုင်ငံသား ၂ ဦးကပင် ပြန်ပေးဆွဲပြီး သတ်ဖြတ်ခဲ့ခြင်းဖြစ်ကြောင်း ကနဦးစုံစမ်းမှုများအရ သိရှိရသည်။
သေဆုံးသူ၏ ညီမဖြစ်သူမှ မစ္စတာယင် ပျောက် ဆုံးနေကြောင်းတိုင်ကြားထားသည်ဟုဆိုကာ ၎င်းသည် ဇူလိုင် ၈ ရက်တွင် လာအိုမှတစ်ဆင့် ချင်းရိုင်ရှိ အထူးစီးပွားရေးဇုန်မှနယ်စပ်ကိုဖြတ်ကျော်ပြီး ချင်းမိုင်သို့ ဝင်ရောက်လာသူဟု အမှတ် (၅) ခရိုင်ရဲတပ်ဖွဲ့ ရဲမင်းကြီး ယီဆက်ခ်ဟွန်းက ဆိုသည်။
ဟူးကန့်ဆိုသည့် တရုတ်သူငယ်ချင်းဖြစ်သူနှင့် ဝင်ရောက်လာပြီးနောက် ဇန်နှင့်ဝမ်ဆိုသော တရုတ်နိုင်ငံသား ၂ ဦးမှ စီးပွားရေးကိစ္စဆွေးနွေးမည်ဟုဆိုကာ မစ္စတာယင်ကို လာအိုမှ ခေါ်ခိုင်းခဲ့ကြောင်း၊ ချင်းမိုင်ရှိ နင်မမ်ဟေမင်လမ်း စားသောက်ဆိုင်၌ တွေ့ဆုံကြပြီးနောက် ချင်းမိုင်ရှိ ဆမ်ပက်ဝမ်အရပ်မှ ဇန်၏ နေအိမ်သို့ ၂ ဦးစလုံးကို ခေါ်သွားခဲ့ကြောင်း၊ ညအိပ်ပြီး နိုးလာသည့်အခါ ဟူကန့်သည် ကြိုးတုပ်လျှက် နိုးလာပြီး ဓားဖြင့်ခြိမ်းခြောက်မှုကြောင့် ပြန်ပေးငွေ ဘတ် ၁ သန်းခွဲပေးခဲ့ရကြောင်း၊ သူငယ်ချင်း မစ္စတာယင်ကိုကြည့်ရာတွင် သတ်ခံထားရပြီးဖြစ်သည်ကို တွေ့ရကြောင်း ဟူကန့်က ထွက်ဆိုသည်။
ဟူကန့်က မစ္စတာယင်နှင့်အတူ စွန့်ပစ်ခံရသည်ဟု ထွက်ဆိုသော်လည်း ဟိုတယ်အနီးတွင်သာ ဖမ်းဆီး ရမိခဲ့ပြီး ပြန်ပေးဆွဲလူသတ်သူ ၂ ဦးအိမ်သို့ သွားရှာရာတွင် ဇန်ဆိုသူကို ဖမ်းမိကာ ဝမ်ကသာ မစ္စတာ ယင်အား တူဖြင့် ထုသတ်ပြီး ထွက်ပြေးသွားသည်ဟု ထွက်ဆိုခဲ့ကြောင်း သိရသည်။
ကိုကလင်း
Ref: Bangkokpost
#MeKongNews
#ထိုင်းနိုင်ငံ
#တရုတ်နိုင်ငံသား
#လာအိုနိုင်ငံ
#ပြန်ပေးဆွဲ
