မဲခေါင်၊ ဇူလိုင် ၃
ဇူလိုင် ၁ ရက်နေ့က အမေရိကန်ကာကွယ်ရေးဝန်ကြီး ပိဟက်ဂ်ဆတ်နှင့် အိန္ဒိယကာကွယ်ရေးဝန်ကြီး ရာနတ်ဆင်းတို့ ဖုန်းဆက်သွယ်ဆွေးနွေးပြီးနောက် နှစ်နိုင်ငံ ၁၀ နှစ်သက်တမ်းရှိ ကာကွယ်ရေးမူဘောင် စစ်ရေါ်ပူးပေါင်းဆောင်ရွက်မှုစာချုပ်ရန် သဘောတူညီမှုရခဲ့ကြောင်း နှစ်ဦးစလုံးဘက်မှ ဇူလိုင် ၃ ရက်တွင် ထုတ်ပြန်ကြေ ညာသွားခဲ့သည်။
ပြီးခဲ့သည့် ၂၀၂၅ ဖေဖော်ဝါရီလကတည်းက အမေရိကန် သမ္မတ ဒေါ်နယ်ထရမ့်နှင့် အိန္ဒိယဝန်ကြီးချုပ် မိုဒီတို့ တွေ့ဆုံခဲ့ပြီးနောက် နှစ်နိုင်ငံကြား စစ်ရေးစွမ်းရည်မြှင့်တင်ရေး၊ ကာကွယ်ရေး ရည်မှန်းချက် ပြည့်မီစေရေး ပူးပေါင်းစစ်ရေးလေ့ကျင့်ရန်၊ နှစ်နိုင်ငံကာကွယ်ရေးနည်းပညာအဆောက်အအုံများ အရေး ပူးပေါင်းဆောင်ရွက်ရန်၊ အကြမ်းဖက်ဝါဒကို တိုက်ဖျက်ရန်၊ အမေရိကန်မှ လက်နက်များတင်ပို့ရေး၊ ထောက်ပံ့ ကွင်းဆက်များ ထူထောင်ရေးများ ပြုလုပ်ရန် နှုတ်အားဖြင့် သဘောတူညီမှုရခဲ့ခြင်းဖြစ်ကာ ယခု နှစ်နိုင်ငံ ကာကွယ်ရေးဝန်ကြီး ၂ ဦး ဖုန်းဆက်ဆွေးနွေးပြီးနောက် ယခုနှစ်ကုန်ပိုင်းတွင် အဆိုပါ စာချုပ် ချုပ်ဆိုနိုင်ရေး သဘောတူညီမှု ရရှိခဲ့ခြင်းဖြစ်သည်။
တောင်အာရှတွင် တရုတ်၏ ခြိမ်းခြောက်မှု ကြီးမားလာသည်နှင့်အမျှ အမေရိကန်သည် အဆိုပါ စာချုပ် အတွက် အိန္ဒိယနိုင်ငံအတွင်း မဟာဗျူဟာကျသော မည်သည့် နေရာများတွင် တပ်စွဲခွင့်ရရှိမည်ကို ကာကွယ်ရေးဝန်ကြီး ၂ ဦး အဓိက ဖုန်းဆက်ပြောဆိုခဲ့ကာ အသေးစိတ်ဆွေးနွေးမှုများအပြီး ယခု နှစ် ကုန်ပိုင်း၌ စာချုပ်ရန် သဘောတူညီခဲ့ရာ တရုတ်ဘက်မှ ဒေါသူပုန်ထစရာ ဖြစ်ခဲ့သည်။
ကိုကလင်း
Ref: ddnews
#MeKongNews
#အိန္ဒိယ
#အမေရိကန်
#တောင်အာရှ
#စစ်ရေးပူးပေါင်း
