မဲခေါင်၊ ဇွန် ၂၆
တရုတ်အစိုးရသည် အလွန်သေးငယ်သလောက် စိုးရိမ်ကြောက်ရွံ့စရာကောင်းသော ခြင်အရွယ်အစားသာရှိသည့် မော်စကွီတိုဒရုန်းကို ကမ္ဘာအား ထုတ်ပြန်လိုက်သည်။
အရွယ်အစားမှာ လက်သည်းတမျှသာရှိပြီး သစ်ရွက်ပုံတောင်ပံ ၂ လက်၊ အင်းဆက်ပိုးမွှား ခြေထောက်ပုံသဏ္ဍန် ဝိုင်ယာခြေထောက်များနှင့် ကိုယ်ထည်သည် အနက်ရောင် ပါးလျှသည့် အချောင်းကလေး အဖြစ်သာ ပါဝင်သည်ကို တွေ့ရသည်။
ပြီးခဲ့သည့်သီတင်းပတ်ကုန်တွင် တရုတ်အစိုးရပိုင်မီဒီယာမှ ယင်းဒရုန်းအား ထုတ်ပြန်လိုက်ရာ သိပ္ပံပညာရှင်များက ထိုသို့သော ဒရုန်းသည် အလွန်သေးငယ်သည့်အတွက် အခန်းအတွင်း ၂ ဦးပြောစကားမျိုးကိုပင် ဝင်ရောက်နားထောင်နိုင်မည်ဖြစ်သလို အခန်းများအတွင်းမှ မီးခံသေတ္တာ ကုဒ်နံပါတ်၊ အစိုးရများအထူးတားမြစ်ဇုန်အဖြစ် သတ်မှတ်ထားသည့် နေရာများသို့ ခိုးဝင်ခြင်း၊ ထောက်လှမ်းရေးနှင့် ကင်းထောက်လုပ်ငန်းများအား အလျှို့ဝှက်ဆုံး စပိုင်လုပ်နိုင်ခြင်းများ ရှိလာနိုင်ကြောင်း သုံးသပ်သည်။
ယင်းဒရုန်းများသည် ဇီ၀ပိုးမွှားများကို သယ်ဆောင်ပြီး နိုင်ငံကြီးများအထိကို ခြိမ်းခြောက်နိုင်ခြင်း၊ လူများလျှို့ဝှက်ထားသော Passwords များကို ခိုးယူနိုင်ခြင်း စသည့် လုပ်ဆောင်ချက်များကို လုပ်ဆောင်လာနိုင်ကြောင်း အမေရိကန် ကာကွယ်ရေး သုတေသနပညာရှင် တီမိုသီ ဟိသ်က သုံးသပ်ပြောဆိုသွားခဲ့သည်။
ရုရှားနှင့် တရုတ်တို့သည် လိုက်ဖမ်းရန် စုံစမ်းမရသည့် လူသတ်သမားများကို အသုံးပြုကာ လမ်းစရှာဖွေမှုများ လုပ်ဆောင်ရန် အင်းဆက်ဒရုန်းများကို အသုံးပြုနိုင်ကြကြောင်းနှင့် ထိုမျှ သေးငယ်လွန်းသော ဒရုန်းများတွင် လွန်စွာ အန္တရာယ်ကြီးသည့် သေစေနိုင်သော ဇီ၀လက်နက်များဖြင့် တိုက်ခိုက်ပါက စိုးရိမ်ရသည့်အနေအထားဖြစ်ကြောင်း ယခင် Google မှ အနာဂတ်ဝါဒီ ထရေစီဖော်လိုမှ သတိပေးပြောဆိုခဲ့သည်။
ကိုကလင်း
Ref: Thesun
#MeKongNews
#တရုတ်နိုင်ငံ
#ဒရုန်း
#ခြင်အရွယ်အစား
#ဇီဝပိုးမွှား
