မဲခေါင်၊ ဇွန် ၂၄
ဇွန် ၂၃ ရက်တွင် ထိုင်းဝန်ကြီးချုပ် ပေထောင်တန်သည် ထိုင်းပယ်လယ်ကွေ့အတွင်း ခရစ္စတယ် စိတ်ကြွဆေး (အိုက်စ်) ၂ ဒသမ ၄ တန်နီးပါး တင်ဆောင်လာသော သင်္ဘောကို ဖမ်းဆီးနိုင်ခဲ့ခြင်းနှင့် ကြီးမားလှသည့် မူးယစ်ကွန်ရက်ကို ဖော်ထုတ်စစ်ဆေးနေပြီဟု သတင်းစာရှင်းလင်း ထုတ်ပြန်ခဲ့သည်။
ဇွန် ၂၁ ရက် ဒေသစံတော်ချိန် ည ၁၁ နာရီဝန်းကျင်တွင် ကလာအန်းခရိုင် ပရာဆေးမြစ်၀၌ ဆိုက်ကပ် ထားသော တန် ၉၀ တင်ဆောင်နိုင်သည့် အပျော်စီး သင်္ဘောဆိုက်ကပ်ထားရာသို့ ပြောင်းတင်လှေတစ် စီး ဆိုက်ကပ်လာကာ ၂ ဒသမ ၄ တန်ရှိသော ခရစ္စတယ်မက်သဖက်တမင်းများကို အပျော်စီးသင်္ဘောပေါ် လက်လွှဲကာ တတိယနိုင်ငံတစ်ခုသို့ ထိုင်းပင်လယ်ကွေ့အားဖြတ်ကျော် တင်ပို့ရန် လုပ်နေစဉ် ထိုင်းအဖွဲ့စုံမှ အော်ပရေးရှင်းတစ်ရပ်အဖြစ် အကွက်ချ စီစဉ်ပြီး ဝင်ဖမ်းခဲ့ခြင်းဖြစ်သည်။
ရာယောင်းခရိုင် ကလာအန်းရှိ ပရာဆေးမြစ်၀မှ ထိုင်းပင်လယ်ကွေ့တောင်ဘက်သို့ မောင်းနှင်လာပြီး နာခွန်းဆီသမ်မာဆတ် ခရိုင်သို့ သွားနေသည့် မသင်္ကာဖွယ်ရာ လှေကို ချက်ချင်းမဖမ်းဆီးဘဲ တော်ဝင် ထိုင်းရေတပ် ကင်းထောက်သင်္ဘော ၄ စီးမှ လိုက်ပါစောင့်ကြည့်ပြီး ထိုစစ်ဆင်ရေးကို ထိုင်းအထူးစုံစမ်း စစ်ဆေးရေးဌာန၊ တော်ဝင်ထိုင်းရေတပ်၊ မူးယစ်ဆေးဝါးထိန်းချုပ်ရေးဘုတ်အဖွဲ့တို့ ပူးပေါင်းကာ ပိုကြီး သော ကွန်ရက်ကို ဖမ်းမိနိုင်ရေး နောက်ဆုံး သင်္ဘောကြီးပေါ် တင်ချိန်မှ ဝက်ရောက် ဖမ်းဆီးခဲ့ခြင်းဖြစ် သည်။
သင်္ဘောပေါ် လိုက်ပါသည့် ထိုင်းနိုင်ငံသား ၈ ယောက်ကို မူးယစ်ဆေးများနှင့်အတူဖမ်းမိသလို သင်္ဘောကြီး ပေါ်တင်ရန်စီစဉ်နေသည့် အနီးအနားတွင် ထိုမှောင်ခိုမှုအား ဦးဆောင်စီစဉ်သူဟု ယူဆရသည့် Luk Yod ဆိုသူကို ၆ ဘီးကုန်တင်ကားနှင့် တွေ့ရှိရသဖြင့် ဖမ်းဆီးခဲ့သလို တံခါး ၄ ပေါက် ပါ ပစ်ကပ်ထရပ်စ်ကား တစ်စီးလည်း မှောင်ခိုမှုတွင် ပါဝင်စီစဉ်နေမှုကြောင့် ဖမ်းဆီးခဲ့ကြောင်း၊ သိမ်းဆည်းရမိသော ခရစ္စတယ်စိတ်ကြွဆေးများ၏ ထိုင်းနိုင်ငံအတွင်း တန်ကြေးမှာ ဘတ် ၂၃၉ သန်း (ဒေါ်လာ ၇ ဒသမ ၂၅ သန်း) ရှိကာ နိုင်ငံတကာ လမ်းပေါ်စျေးကွက်အတွင်း ရောက်ရှိသွားလျှင် ဘတ် ၃ ဘီလီယံ (ဒေါ်လာ ၉၁ သန်း) အထိ တန်ကြေးရှိသည်ဟု ဝန်ကြီးချုပ်ပေထောင်တန်က ထုတ်ပြန်ပြီး မိမိတို့ အစိုးရနှင့် အာဏာပိုင်များ မူးယစ်ဆေးဝါးတိုက်ဖျက်မှုကို မည်မျှ ကြိုးစားဆောင်ရွက်နေသည် အားမြင်တွေ့ရသည့် အောင်မြင်သော စစ်ဆင်ရေးဟု ပြောဆိုသွားခဲ့သည်။
ကိုကလင်း
Ref:Khaosod
#MeKongNews
#ထိုင်းနိုင်ငံ
#မူးယစ်ဆေးဝါး
#ထိုင်းပင်လယ်ကွေ့
#စိတ်ကြွဆေး
