မဲခေါင်၊ ဇွန် ၁၄
ဇွန် ၁၃ ရက်အာရုံမတက်မီ အစ္စရေးမှ ဖိုက်တာဂျက်လေယာဉ် အစီး ၂၀၀ ကျော်အသုံးပြုကာ အီရန်ရှိ နျူကလီးယားနှင့် စစ်ခေါင်းဆောင်များကို ပစ်မှတ်ထား တိုက်ခိုက်မှု ပြုလုပ်ပြီးနောက် ဇွန် ၁၃ ညပိုင်း တွင် အီရန်ဘက်မှ ရာနှင့်ချီသော ပဲ့ထိန်းဒုံးကျည်များဖြင့် အစ္စရေးနိုင်ငံ ဗဟိုချက်နေရာများသို့ လက်တုံ့ ပြန်ပစ်ခတ်ရာ ဒါဇင်ချီဒဏ်ရာရပြီး တစ်ဦး သေဆုံးခဲ့ကြောင်း သိရသည်။
အီရန်သည် အစ္စရေးနိုင်ငံ တဲလ်အဗစ်မြို့၊ ဂျေရုဆလင်မြို့၊ အီလီယက်ဆိပ်ကမ်းမြို့များကို အဓိက ပစ်မှတ်ထားကာ ပဲ့ထိန်းဒုံးများရာချီသုံးပြီး ၃ လှိုင်းဆက် ပစ်ခတ်ရာတွင် အများစုသည် အစ္စရေး၏ လေကြောင်းရန်ကာကွယ်ရေးစနစ်များမှာ ကြားဖြတ်ပစ်ချမှုကြောင့် ကောင်းကင်မှာပင် ပေါက်ကွဲခဲ့သည်ကို စစ်သတင်းထောက်များ တိုက်ရိုက် ရိုက်ကူးတင်ပြခြင်းမှ မြင်တွေ့ရသည်။
သို့သော် တချို့ သော စွမ်းအားပြင်း ဒုံးကျည်များမှာမူ မြို့များပေါ်သို့ ကျရောက်ပေါက်ကွဲသဖြင့် ဒဏ်ရာရ သေဆုံးမှုများရှိခဲ့ကာ အီရန်ပြည်သူများသည်လည်း ၎င်းတို့၏ လက်တုံ့ပြန်မှုအတွက် လမ်းများပေါ် ထွက်ကာ အောင်ပွဲခံခဲ့ကြသည်။
AP သတင်းဌာန၏ ဖော်ပြမှုအရ အီရန်၏ တိုက်ခိုက်မှုတွင် အမေရိကန်က အစ္စရေးကို ကြားဖြတ် ကာကွယ်ပေးမှုများ လုပ်ဆောင်ခဲ့သည်ဟုလည်း သိရှိရသည်။
အီရန် အစိုးရပြောရေးဆိုခွင့်ရှိသူက ဒုံးကျည်များစွာဖြင့် အစ္စရေးအား ထိရောက်သော တုံ့ပြန်မှု ပြုလုပ်ခဲ့ခြင်းဖြစ်ကြောင်း ကြေညာသလို အီရန်သမ္မတကိုယ်တိုင်ကလည်း အစ္စရေးအတွက် ကြမ္မာဆိုးဝင်စေရမည်ဟု ကြုံးဝါးပြောဆိုခဲ့သည်။
အစ္စရေး၏ အီရန်နိုင်ငံ တီဟီရန်မြို့အတွင်း ပစ်မှတ် ၁၀၀ ကို တိုက်ခိုက်မှုတွင် အီရန်စစ်ဗိုလ်ချုပ် ၃ ဦးနှင့် နျူကလီးယား သိပ္ပံပညာရှင် ၂ ဦး အပါ ၇၈ ဦးသေဆုံးကာ ၃၂၀ ကျော် ဒဏ်ရာရခဲ့သည်ဟု ကုလသမဂ္ဂဆိုင်ရာ အီရန် သံအမတ်က ထုတ်ပြန်ပြောဆိုကာ အစ္စရေးဘက်မှ စစ်ကြေညာလိုက်ခြင်းအား တုံ့ပြန်ရင်ဆိုင်သွားမည်ဟု ဆိုခဲ့သည်။
အစ္စရေးဝန်ကြီးချုပ် နက်တန်ယာဟုကလည်း ဇွန် ၁၃ ရက် မနက်ပိုင်း တိုက်ခိုက်မှုသည် အစသာရှိသေး ပြီး နောက်ထပ်များစွာ ထပ်လာဦးမည်ဖြစ်ကာ အီရန် အာဏာရှင်များ မည်သည့်လက်နက်မျိုးလာထိမှန် သည်ကိုပင် မသိဘဲ သေဆုံးကြရမည်ဟု ထုတ်ပြန်ပြောဆိုသွားခဲ့ရာ အလုံးစုံစစ်ပွဲ စတင်ခဲ့ပြီဟု နိုင်ငံတကာက သုံးသပ်နေကြပြီဖြစ်သည်။
ကိုကလင်း
Ref:Thesun
#MeKongNews
#အစ္စရေး
#အီရန်
#ဂျေရုဆလင်
#စွမ်းအားပြင်းဒုံးကျည်
