မဲခေါင်၊ မေ ၂၈
မေ ၂၈ ရက် ဒေသစံတော်ချိန် နံနက် ၅ နာရီခွဲဝန်းကျင်တွင် အငြင်းပွား ထိုင်း – ကမ္ဘောဒီးယားနယ်စပ်၌ နှစ်နိုင်ငံ စစ်သားများ ၁၀ မိနစ်ကြာ အပြန်အလှန်ပစ်ခတ်မှုဖြစ်ပွားခဲ့သည်။
ယူဘွန်ရတ်ချာသာနီခရိုင်၊ နမ်ယွမ်ခရိုင်ခွဲ ချွန်ဘုခ်နယ်စပ်ရွာအနီး အဆိုပါ ပစ်ခတ်မှုဖြစ်ပွားခဲ့ခြင်းဖြစ် ကာ နှစ်ဖက်တပ်မှူးများ ဖုန်းဖြင့် ဆက်သွယ်ပြောဆိုပြီးနောက် အပစ်အခတ်ရပ်စဲလိုက်ခြင်းဖြစ်ကြောင်း နှင့် ထိခိုက်ဒဏ်ရာရ သေဆုံးမှုမရှိဘဲ ခြောက်လှန့် ပစ်ခတ်မှုအဆင့်မျိုးသာဖြစ်သည်ဟု ထိုင်း ဗိုလ်ချုပ် ဝမ်ထိုင်းက ရှင်းလင်းပြောကြားခဲ့သည်။
ပြီးခဲ့သည့်လက အဆိုပါ နယ်စပ်မှာပင် နှစ်ဖက် စစ်သားများ တင်းမာမှုများဖြစ်ပွားခဲ့ပြီးနောက် သတ်မှတ် နယ်မြေအတွင်း မည်သူမျှ မဝင်ရောက်ဘဲ ပြေလည်ရန် သဘောတူညီခဲ့ကြကြောင်း၊ သို့သော် ယခု ကမ္ဘောဒီးယားစစ်သားများ မဝင်ရနယ်မြေထဲ ဝင်ရောက်လာသဖြင့် သဘောတူညီမှုကို ချိုးဖောက်ရာရောက်သောကြောင့် ပြောဆိုရာမှ တင်းမာမှုဖြစ်ပွားပြီး ပစ်ခတ်မှုများ ဖြစ်ပွားခဲ့ကြောင်း၊ ယခု အပစ်ရပ်သွားသော်လည်း နှစ်ဖက်စလုံးမှ စစ်သားများ ချွန်ဘုခ်နယ် တစ်ဖက်တစ်ချက်တွင် အသင့်အနေအထားရှိနေတုန်းပင်ဖြစ်သည်ဟု ဗိုလ်ချုပ် ဝမ်ထိုင်းက ဆိုသည်။
ကိုကလင်း
Ref:bangkokpost
#MeKongNews
#ကမ္ဘောဒီးယား
#ထိုင်းနိုင်ငံ
#နယ်စပ်
#ပစ်ခတ်မှု
