မဲခေါင်၊ မေ၂၆
ရှမ်းပြည်တောင်ပိုင်း၊ ကလောမြို့မှာ ရပ်ထားသည့် ကုန်တင်ကားကို ဒို့ညီနောင်မှန်လုံယာဥ်မှ ဝင်တိုက်သဖြင့် ယာဥ်အကူ ဒဏ်ရာပြင်းထန်စွာရရှိကြောင်း ဒေသခံများထံက သိရသည်။
ယမန်နေ့မေလ ၂၅ရက်ည ၁၁နာရီခန့်တွင် ကလောတိုးဂိတ်အကျော် Lucky7 ဆီဆိုင် ရှေ့တွင်ရပ်ထားသည့် တွဲကားနောက်ပိုင်းကို ဒို့ညီနောင်မှန်လုံယာဥ်က တည့်တည့်ဝင်တိုက်ခဲ့ခြင်း ဖြစ်ကြောင်းသိရသည်။
“ဒရိုင်ဗာက မူးနေတာ၊ လေပေါင်ကျလို့ရပ်ထားတဲ့တွဲကားကို နောက်က တည့်ဝင်တိုက်တာ၊ သူကခြေထောက်လောက်ပဲထိပြီး စပယ်ယာက ဒဏ်ရာတွေပြင်းတယ်၊ စိုးရိမ်ရတယ်”ဟု လူမှုကူညီသူတစ်ဦးက မဲခေါင်ကို ပြောသည်။
ဒို့ညီနောင်မှန်လုံယာဥ်မှာ လွန်ခဲ့သည့် ၄ရက်က ရေယားနားတွင်ကားပျက်သဖြင့် ပြင်ဆင်ရာမှ ယမန်နေ့က ပြင်ဆင်ပြီးဖြစ်၍ တောင်ကြီးဘက်အပြန် ယာဥ်ပေါ်တွင် ဒရိုင်ဘာ၊ စပယ်ယာနှင့်စက်ပြင်တို့ ၃ဦးသာ ပါရှိလာစဥ် ယာဥ်တိုက်မှုဖြစ်ခြင်းဖြစ်သည်။
ယာဥ်တိုက်မှုကြောင့် ဒရိုင်ဘာကိုမင်းမင်းဦး မှာခြေထောက်ထိဒဏ်ရာ (မစိုးရိမ်ရ)၊ ယာဉ်အကူ ကိုဖြိုးကြီး ခြေထောက်နှစ်ဖက်လုံးကျိုးပေါက်ပြဲ၊ ခေါင်းကွဲ၊ ဝမ်းဗိုက်ပေါက်ပြဲဒဏ်ရာများ(စိုးရိမ်ရ) များရရှိကာ စက်ပြင်မှာမူ မည်သည့်ဒဏ်ရာမျှမရ
ကြောင်း သိရသည်။
လူနာများကို ကလောဆေးရုံသို့ ပို့ဆောင်ထားပြီး စပယ်ယာမှာ ဒဏ်ရာပြင်းသဖြင့် ICU ခန်းတွင် ကုသနေရကြောင်းသိရသည်။
မဟာ
#MeKongNews
#ကလောမြို့နယ်
#ယာဉ်တိုက်မှု
#ဒို့ညီနောင်ယာဉ်လိုင်း
#ရှမ်းတောင်
