မဲခေါင်၊ မေ ၁၉
ထိုင်းနိုင်ငံ၏ ဒကာ၊ ဒကာမပေါများလွန်းသော နာခွန်းပသွမ်ခရိုင် ဝပ်ရိုင်ခင်းဘုန်းတော်ကြီးကျောင်းမှ အသက် ၇၀ အရွယ် နာမည်ကြီးဆရာတော်ကို ကျောင်းပိုင်အလှူငွေ ဘတ်သန်း ၃၀၀ အွန်လိုင်း၌ ဖဲရိုက်ပစ်ခဲ့သည့် အမှုအတွက် ဘုန်းကြီးကျောင်းတွင်ဘုန်းကြီးကျောင်းသား ကပ္ပိယအဖြစ် ရက် ၂၀၀ အသွင်ယူ၊ သက်သေယူခဲ့သော ရဲအရာရှိအကြောင်းကို ထိုင်း The Nation မီဒီယာက ဖော်ထုတ် ရေးသားသွားခဲ့သည်။
ကျောင်းပိုင်အလှူငွေများကို ၎င်း၏ ကိုယ်ပိုင် ဘဏ်စာရင်းထဲသို့ ဩဇာပေးခိုင်းစေပြီး အတင်းထည့်ခိုင်း ခဲ့ကာ ဘဏ်အကောင့်ပေါင်းများစွာနှင့်ချိတ်ဆက်ပြီး အွန်လိုင်းလောင်းကစား ဖဲရိုက်ပစ်ရာမှ အများစုကုန်သွားကာ တခြားသော ၂၈ နှစ်အရွယ် ဒကာမငယ်တစ်ဦးထံ ဘတ်သန်း ၄၀ ချေးငှားပြီး ငွေချေးရင်း နှီးမြှုပ်နှံမှုများ ပြုလုပ်စေခဲ့သလို ထိုဒကာမ ရေချိုးနေပုံများပါ ဖုန်းအတွင်း စစ်ဆေးတွေ့ရှိခဲ့ပြီးနောက် ဘုန်းတော်ကြီးအား လူဝတ်လဲပြီး အရေးယူရန် စုံစမ်းစစ်ဆေးနေပြီဖြစ်သည်။
ထိုင်းတွင် လူအများကြည်ညိုသည့် ဘုန်းတော်ကြီးများအား တော်ရုံ ရဲတပ်ဖွဲ့များ ဖမ်းဆီးရန် ခက်ခဲရာ ယခုအမှုနှင့်ပတ်သက်ပြီး ရာဇဝတ်မှု နှိမ်နင်းရေး ဌာနခွဲမှ ရဲမှူးအဆင့်ရှိ နီတီသွန်းပရာချန်ကန်ချနာကို Undercover အဖြစ် သက်သေခိုင်လုံစွာရှာဖွေပြီး အသွင်ယူ ဖမ်းဆီးနိုင်စေရန် တာဝန်ပေးခဲ့ကြောင်း၊ ထို တာဝန်ကို နီတီသွန်းက လက်ခံပြီး ဝပ်ရိုင်ခင်း ဘုန်းတော်ကြီးကျောင်းတွင် ဝေယျာ၀စ္စ အကုန်လုပ်ပေးသည့် ဘုန်းကြီးကျောင်းသား၊ ကပ္ပိယအဖြစ် အောက်ခြေသိမ်းအလုပ်များကို ရက် ၂၀၀ တိတိ လုပ်ကိုင် ပေးခဲ့ပြီးမှ အမှုကို သက်သေအခိုင်အမာတည်ဆောက် ဖမ်းဆီးပေးနိုင်ခဲ့ခြင်းဖြစ်သည်ဟု The Nation က ဖော်ပြခဲ့သည်။
နီတီသွန်းသည် ခွန်ကိန်းရပ်ရှိ မွေးမြူရေးလုပ်သော ဆင်းရဲသည့် မိသားစုမှ မွေးဖွားခဲ့သာဖြစ်ကာ မွေးချင်း ၄ ယောက်အနက် အကြီးဆုံးသားဖြစ်သည်။ အလယ်တန်းအောင်ပြီးနောက် အိတ်ထဲ ဘတ် ၂၀၀ သာပါရှိပြီး ဘန်ကောက်တွင် အလုပ်ရှာဖွေရန် နေအိမ်မှ ထွက်သွားခဲ့ပြီး ဆမတ်ပရာကန်တွင် အထည့်ချုပ်စက်ရုံ စက်ပြင်အလုပ် ရရှိခဲ့သော်လည်း ၁၉၉၇ ခုနှစ်၌ ထိုင်းနိုင်ငံ စီးပွားပျက်ကပ်ဆိုက် ချိန် စက်ရုံပိတ်လိုက်ရသဖြင့် ရွေးစရာလမ်းမရှိဘဲ စစ်မှုထမ်း ၂ နှစ် တာဝန်ထမ်းဆောင်ခဲ့သည်။ စစ်မှု ထမ်းပြီးနောက် မြို့ပြရဲတပ်ဖွဲ့ ကျောင်းစာမေးပွဲ ဝင်ရောက်ဖြေဆိုခဲ့ပြီး ယာဉ်ထိန်းရဲ ဘ၀မှ စကာ ကျရာ တာဝန်ထမ်းဆောင်ပြီး ယခုလို ရဲမှူးဖြစ်လာခြင်းဖြစ်သည်။
ချင်းမိုင်တွင် ချမ်းသာသည့် အမျိုးသမီးတစ်ဦးကို သတ်ဖြတ် အပိုင်းပိုင်း ပိုင်းကာ ရေခဲသေတ္တာထဲ ထည့်ထားခဲ့သည့် လူသတ်မှုတွင် မိသားစုဝင် ၅ ဦးထဲမှ တစ်ဦးတရားခံဖြစ်နေသည်ကို ဖော်ထုတ်နိုင်ခဲ့သူလည်းဖြစ်သည်။
မှုခင်းနှိမ်နင်းရေးဌာနခွဲ၏ ၂၀၁၇၊ ၂၀၁၈၊ ၂၀၁၉ ခုနှစ်များတွင် အထူး စွမ်းဆောင်နိုင်သူအဖြစ် ဆုများရရှိပြီးနောက် ၂၀၁၉ ခုနှစ်တွင်လည်း ရမ်ခမ်းဟမ်း တက္ကသိုလ်မှ နိုင်ငံရေးသိပ္ပံဘာသာဖြင့် ဘွဲ့ရခဲ့သူဖြစ်ကြောင်း The Nation Thailand မီဒီယာက နောက်ကြောင်းအား ဂုဏ်ပြုဖော်ပြသွားခဲ့သည်။
ကိုကလင်း
Ref: The Nation
#MeKongNews
#ထိုင်းရဲမှူး
#ထိုင်းဘုန်းတော်ကြီး
#အွန်လိုင်းလောင်းကစား
#ရိုင်ခင်ဘုန်းတော်ကြီးကျောင်း
#ဓမ္မရာချီဝါနူဝပ်
