မဲခေါင်၊ မေ ၁၈
အမေရိကန် စုံစမ်းစစ်ဆေးရေးဗျူရို (FBI) ဒါရိုက်တာဟောင်း ဂျိမ်းစ်ကိုမေးသည် လူမှုကွန်ရက် အင်စတာဂရမ်တွင် 86 47 ဆိုသော ခရုခွံများဖြင့် စီခြယ်ထားသည့်ကိန်းဂဏန်း ဓာတ်ပုံနှင့် Caption အဖြစ် Cool shell formation on my beach walk ဟု ရေးတင်းခဲ့ရာ ထိုစကားဝှက်မှာ ဒေါ်နယ်ထရမ့်ကို လုပ်ကြံရန် လျှို့ဝှက်ခိုင်းစေ အမှတ်အသားဖြစ်သည်ဟု စွပ်စွဲခံခဲ့ရသည်။
မေ ၁၅ ရက်တွင် ဂျိမ်းစ်ကိုမေးက ယခုလို ပို့စ်တင်ခဲ့ပြီးနောက် ဒေါ်နယ်ထရမ့်၏ သားဖြစ်သူ ဒေါ်နယ်ထရမ့်ဂျူနီယာက မိမိဖခင်ကို သတ်ခိုင်းခြင်းဖြစ်သည်ဟု စွပ်စွဲရာမှ Share သူများ အလွန်များပြားခဲ့ပြီး ဂယက်ရိုက်ကာ ဂျိမ်းစ်ကိုမေးကိုယ်တိုင် ထိုပို့စ်ကို ပြန်ဖျက်လိုက်ပြီး မှားယွင်းယူဆ စွပ်စွဲမှုများသာဖြစ်သည်ဟု ပြန်လည် ဖြေရှင်းသွားခဲ့သည်။
Merriam-Webster အဘိဓါန်တွင် 86 ၏ အနက်အဓိပါယ်မှာ တစ်စုံတစ်ယောက်ကို ရှင်းလင်းဟု သက်ရောက်ပြီး 47 မှာ ဒေါ်နယ်ထရမ့်၏ ၄၇ ကြိမ်မြောက် အမေရိကန်သမ္မတကို ရည်ညွှန်းသည်ဟု အများက ယူဆသဖြင့် ရီပက်ဘလစ်ကန်များနှင့် အငြှိုးအတေးရာဇဝင်ရှိသည့် ဂျိမ်းစ်ကိုမေးက ထရမ့်ကို လုပ်ကြံရန်ခိုင်းစေခြင်းဟု ယူဆစွပ်စွဲမှုများ မြင့်တက်လာခဲ့ခြင်းဖြစ်သည်။
ဒေါ်နယ်ထရမ့်အစိုးရ၏ ပြည်ထဲရေးဝန်ကြီးဌာန အတွင်းရေးမှူး ခရစ္စတီနိုအမ်က ယခု ဂယက်ရိုက်မှု အပေါ် မိမိတို့ဌာနနှင့် ထောက်လှမ်းရေးအေဂျင်စီမှ သင့်လျှော်သော စုံစမ်းစစ်ဆေးမှုပြုလုပ်သွားမည် ဟု လူမှုကွန်ရက် X တွင် ရေးသားအသိပေးသွားခဲ့သည်။
ဂျိမ်းစ်ကိုမေးက မိမိ ကမ်းခြေတွင်လမ်းလျှောက်ရင်း တွေ့မိသည့် ခရုခွံများအကြောင်းကို နိုင်ငံရေး အမြင်အတွေးဖြင့် သတင်းစကား ရေးတင်ခြင်းသာဖြစ်ကာ မည်သည့်အခါတွင်မျှ အကြမ်းဖက်မှုကို လက်မခံသူဖြစ်သည့်အတွက် နားလည်မှုမမှားယွင်းကြစေလိုကြောင်း ဖြေရှင်းပြောကြားခဲ့သည်။
ကိုကလင်း
Ref:aa
#MeKongNews
#ဒေါ်နယ်ထရမ့်
#FBI
#အမေရိကန်
#လုပ်ကြံ
