မဲခေါင်၊ ဧပြီ ၂၄
တူရကီနိုင်ငံ၏ မြို့တော် အစ္စတန်ဘူလ်တွင် ဧပြီ ၂၃ ရက် ဒေသစံတော်ချိန် ည ၁၂ နာရီ ၅၉ မိနစ်၌ ပြင်းအား ၆ . ၂ ရှိ ငလျင်လှုပ်ခတ်သွားမှုကြောင့် လူပေါင်း ၁၅၁ ယောက် ဒဏ်ရာရပြီး ဆေးရုံတင်ခဲ့ရ ကြောင်း သိရှိရသည်။
ယင်းနေ့သည် အစိုးရ ရုံးနှင့်ကျောင်းများပိတ်ရက်ဖြစ်ပြီး ငလျင်မှာ လူဦးရေ ၁၆ သန်းအထိ နေထိုင် သော အစ္စတန်ဘူလ်မြို့ အနောက်တောင်ဘက် ၄၀ ကီလိုမီတာ (၂၅ မိုင်) အကွာ၊ အနက် ၁၀ ကီလိုမီတာ (၆ မိုင်) မာမရာ ပင်လယ်အတွင်း လှုပ်ခတ်သွားခြင်းဖြစ်ပြီး အနီးအနားပြည်နယ်များသာမက မိုင် ၃၄၀ အကွာအဝေးရှိ နယ်မြေများအထိ သက်ရောက်လှုပ်ခတ်မှု ရှိခဲ့သည်။
ငလျင်ကြီးသည် ၁၃ စက္ကန့်ကြာ လှုပ်ခတ်ကာ နောက်ဆက်တွဲ ငလျင် ၅၀ ကျော်အတွင်း ဒုတိယအပြင်းဆုံးအဖြစ် ပြင်းအား ၅ . ၉ ရှိ ငလျင်လည်း ဆက်လက်လှုပ်ခတ်ခဲ့သောကြောင့် အစ္စတန်ဘူလ်တွင် တိုက်များပေါ်မှ ပြေးထွက်ခြင်း၊ ခုန်ချခြင်းများကြောင့် လူပေါင်း ၁၅၁ ယောက် ဒဏ်ရာရ ဆေးရုံတင်ရကာ စိုးရိမ်ရသည့်အခြေအနေ တစ်ယောက်မှ မရှိသဖြင့် မိမိတို့ ဘုရားကို ကျေးဇူးအထူးတင်ရမည်ဟု သမ္မတ အာဒိုဂန်က ထုတ်ပြန် ပြောဆိုခဲ့သည်။
၂၀၂၃ ခုနှစ် ဖေဖော်ဝါရီ ၆ ရက်နေ့က တူရကီတွင် ပြင်းအား ၇ . ၈ ရှိ ငလျင်ကြီး လှုပ်ခတ်ခဲ့ခြင်းနှင့် နာရီ များစွာအကြာတွင် ဒုတိယအပြင်းထန်ဆုံးနောက်ဆက်တွဲငလျင် ထပ်လှုပ်မှုကြောင့် တောင်ပိုင်းနှင့် အရှေ့တောင်ပိုင်း ပြည်နယ် ၁၁ ခုအထိ ငလျင်ဒဏ်ပြင်းထန်စွာ ခံခဲ့ရကာ အဆောက်အအုံပေါင်း ထောင်ချီ ပြိုကျခဲ့သဖြင့် လူပေါင်း ၅၃၀၀၀ သေဆုံးခဲ့ပြီး အိမ်နီးချင်း ဆီးရီးယားမြောက်ပိုင်းနယ်မြေ များတွင် နောက်ထပ် လူပေါင်း ၆၀၀၀ ကျော် သေဆုံးခဲ့ရသည့် ဖြစ်ရပ်ဆိုးကြောင့် တူရကီသားများ ယခုအချိန်အထိ ငလျင်ဒဏ်အပေါ် စိုးရိမ်ထိတ်လန့်မှုများမှာ မပြီးဆုံးနိုင်သေးသဖြင့် ယခုငလျင်တွင် ထွက်ပြေးခုန်ချမှုများ များပြားပြီး ဒဏ်ရာရသူများ ရှိခဲ့ခြင်းဖြစ်သည်။
ကိုကလင်း
Ref: timescolonist
#MeKongNews
#တူရကီ
#ငလျင်
#အစ္စတန်ဘူလ်
#ဒဏ်ရာရ
