မဲခေါင်၊ ဖေဖော်ဝါရီ ၈
ရှမ်းပြည်အရှေ့ပိုင်း၊ မိုင်းတုံမြို့နယ်၊ နားကောင်းမူးရွာအနီး၌ သတ်ခံရသော ပိန်းခမ်းရွာ ရပ်ကျေးစာရေး ဦးငွေစိုးသန်း၏ မိသားစုဝင်များလည်း တစ်လကျော်သည်အထိ သတင်းမရပဲ ပျောက်ဆုံးနေသည်။
အခင်းဖြစ်ပွါးသည့်နေ့ ယမန်နှစ်၊ ဒီဇင်ဘာလ ၂၈ ရက်တွင် ဦးငွေစိုးသန်းသည် မိသားစုနှင့် အတူ မိုင်းဆတ်မှ ၆၇ မိုင်ဝေးသော နားကောင်းမူရွာကိုသွားရောက်စဉ် လမ်းခရီး၌ သေနတ်ဖြင့်ပစ်သတ်ခံရသည်။ ၎င်းနှင့်အတူလိုက်ပါသွားသည့် ဇနီးနှင့် သားနှစ်ဦး ထို့နေ့ကစပြီး ယနေ့အထိ သတင်းမရပဲ ပျောက်ဆုံးနေခဲ့သည်။
“ဘယ်သူ ဘယ်အဖွဲ့ဆိုတာ မသိကြသေးဘူး၊ သူတို့က သူ့တာဝန်ကျနယ်မြေ ကျော်လွန်ပြီးလာတာ၊ စက်တော်ခြေရာ လာဖူးတာလား၊ ဘယ်သူကခေါ်လို့ လာတာလဲ၊ ဘာမှ မသိကြသေးဘူး၊ ဒီမှာက အဖွဲ့စုံရှိတော့ စုံစမ်းရမလွယ်ဘူး” ဟု နားကောင်းမူး
နယ်မြေရဲစခန်းနှင့် နီးစပ်သူတစ်ဦးက မဲခေါင်ကိုပြောသည်။
နယ်မြေအတွင်းရှိ အဖွဲ့အစည်းများကို ဆက်သွယ်အကူအညီ တောင်းဆိုထားသော်လည်း ယနေ့ထိ မည်သည့်အဖွဲ့အစည်းထံကမျှ သတင်းတစုံတရာ မရရှိသေးကြောင်း ၎င်းကပြောသည်။
ဦးငွေစိုးသန်း သတ်ခံရပြီး ၃ ရက်မြောက်နေ့ဖြစ်သည့် ဇင်ဘာလ ၂၈ ရက်တွင် အလောင်းကို မိုင်းကျွတ်ရွာသွားလမ်း၌ ပြန်လည်တွေ့ရှိခဲ့ပြီး အတူပါ မိသားစုမှာ ပျေက်ဆုံးနေဆဲ ဖြစ်သည်။
မိုင်းတုံမြို့နယ်အတွင်း ဟွေအောရွာတွင် “ဝ”တောင်ပိုင်းစစ်ဒေသ ဌာနချုပ်ရှိသလို မြို့ပေါ်ရှိ မြို့မရပ်ကွက်တွင် RCSS ၏ ဆက်ဆံရေးရုံးအခြေပြုထားပြီး နယ်မြေအတွင်း ဖြစ်ပေါ်သည့် စစ်ရေးနှင့် အမှုအခင်းများကို ညှိနှိုင်းဖြေရှင်းဆောင်ရွက်နေကြကြောင်း သိရသည်။
မဟာ
#MeKongNews
#မိုင်းတုံမြို့နယ်
#နားကောင်းမူ
#ဦးငွေစိုးသန်း
#မိသားစု
