မဲခေါင်၊ ဖေဖော်ဝါရီ ၁
ဇန်နဝါရီ ၃၁ ရက် မနက် ၁၁ နာရီဝန်းကျင်က တောင်တရုတ်ပင်လယ်မှာ မဟာဗျူဟာအကျဆုံးဖြစ်နေတဲ့ Pag-asa ကျွန်းစုနား တရုတ်ပြည်သူ့လွတ်မြောက်ရေးတပ်မတော် ရေတပ်ပိုင် လေယာဉ်တင်သင်္ဘော တစ်စီး၊ ကမ်းခြေစောင့်တပ် သင်္ဘောတစ်စီးနဲ့ တခြားစစ်သင်္ဘော ၅၈ စီး အင်အားအလုံးအရင်းနဲ့ စေလွှတ်လိုက်ကြောင်း သိရပါတယ်။
အဲ့ဒီ့ ကျွန်းဟာ တရုတ်ကုန်းမကြီးနဲ့ ကီလိုမီတာ ၅၀၀၊ ထိုင်ဝမ်ကျွန်းနဲ့ ကီလိုမီတာ ၄၈၀၊ ဗီယက်နမ်နဲ့ ၄၅၀ ကီလိုမီတာ အကွာမှာ ရှိနေ ပြီး ဖိလစ်ပိုင်ထိန်းချုပ်မှုအောက်မှာ ရှိနေတဲ့ သဘာ၀မြေထုရှိရာ ကျွန်းဖြစ်ပါတယ်။
ကျွန်းပေါ်မှာ လေယာဥ်ပြေးလမ်းပါရှိပြီး ကမ္ဘာ့ရေကြောင်းကုန်သွယ်မှုရဲ့ ၃၀ ရာခိုင်နှုန်း ဖြတ်သန်းရာ တောင်တရုတ်ပင်လယ်မှာ ဘယ်နေရာကိုမဆို အနီးကပ်ဆုံး စောင့်ကြည့်နိုင်သလို ဒီဒေသရဲ့ လေကြောင်းနဲ့ ပင်လယ်ရေကြောင်းနှစ်ခုစလုံးအတွက် မဟာဗျူဟာ အကျဆုံး ကျွန်းဖြစ်နေတာကြောင့် တောင်တရုတ်ပင်လယ်တစ်ခုလုံးကို သူ့အပိုင်လို ပြောနေတဲ့ တရုတ်ဟာ ဒီကျွန်းကို စိုးမိုးသိမ်းပိုက်ဖို့ ဆန္ဒရှိနေတဲ့အတွက် ရေတပ်အင်အား အလုံးအရင်း စေလွှတ်စေခဲ့တာဖြစ်ကြောင်း သုတေသီတွေက သုံးသပ်ကြပါတယ်။
တရုတ်ဟာ တောင်တရုတ်ပင်လယ်ကို မဟာဗျူဟာကျစိုးမိုးနိုင်ရေး လူလုပ်ကျွန်းအတုတွေဖြစ်တဲ့ Mischief Reef နဲ့ Subi Reef တွေကို ဆောက်လုပ်ခဲ့ပေမယ့် Pag-asa ကျွန်းဟာ အနာဂတ်တောင်တရုတ်ပင်လယ် စစ်ရေး ကမ္ဘာ့အဆင့်ကျယ်ပြန့်လာခဲ့ရင် အရေးအပါဆုံးသော မဟာဗျူဟာကျ အဓိကကျွန်းဖြစ်တာကြောင့် အမေရိကန် အပါ နိုင်ငံတိုင်းက အခြေစိုက်နိုင်ဖို့ အလိုရှိနေတဲ့ ကျွန်းမျိုးလည်း ဖြစ်ပါတယ်။
Ref: bulgarianmilitary
MKF-001
#MeKongNews
#တောင်တရုတ်
#ပင်လယ်
#မဟာဗျူဟာကျ
#ကျွန်း
#လေယာဥ်ပြေးလမ်း
