မဲခေါင်၊ ဇန်နဝါရီ ၂၁
အိမ်နီးချင်းနိုင်ငံနယ်စပ်ဒေသတွေမှာ ကျားဖြန့်လုပ်ငန်း၊ လူမှောင်ခိုကူးမှုနဲ့ မူးယစ်ဆေးဝါး သယ်ယူဖြန့်ဖြူးနေမှုတွေကို တိုက်ဖျက်ဖို့ ခြောက်လစီမံကိန်းချ ဖော်ဆောင်မှာဖြစ်ကြောင်း ထိုင်း ဒုဝန်ကြီးချုပ်လည်းဖြစ်၊ ကာကွယ်ရေးဝန်ကြီးလည်းဖြစ်တဲ့ ဖမ်သမ်ဝီချာယာချိုင်က ဇန်နဝါရီ ၂၀ ရက်မှာ ပြောဆိုပါတယ်။
ဖမ်သမ်က လာမယ့် ဇန်နဝါရီ ၃၀ ရက်မှာ ဒီစီမံကိန်းအတွက် ပြည်ထဲရေး၊ တော်ဝင်ရဲတပ်ဖွဲ့၊ မူးယစ်ဆေးဝါး ထိန်းချုပ်ရေးအဖွဲ့ (ONCB)၊ ငွေကြေးခဝါချတိုက်ဖျက်ရေးရုံး (Amlo) နဲ့ တခြား အေဂျင်စီတွေဟာ တိုင်းတာမှု အသစ်တွေနဲ့ ဘယ်လို ခြောက်လစီမံကိန်းနဲ့ ထိရောက်စွာ တိုက်ဖျက်ရမလဲဆိုတာ အစည်းအဝေးကျင်းပ ဆွေးနွေး သွားမှာဖြစ်တယ်လို့ ဆိုပါတယ်။
အစည်းအဝေးဆုံးဖြတ်ချက်ကို ဝန်ကြီးချုပ် ပေထောင်တန်၊ စစ်ဘက်နဲ့ ရဲဘက်ခေါင်းဆောင်တွေက အသေးစိတ် ထုတ်ပြန်သွားမှာဖြစ်ပြီး ခြောက်လစီမံကိန်း တိုးတက်ဖြစ်ထွန်းမှု မဖြစ်လာခဲ့ရင် ပိုမိုတင်းကျပ်တဲ့အတိုင်းအတာနဲ့ တစ်ဆင့်ထပ်တိုးစီမံသွားမယ်လို့ ရှင်းလင်းပြောကြားသွားပါတယ်။
ထိုင်းနိုင်ငံဟာ မူးယစ်ဆေးဝါး ကမ္ဘာ့စျေးကွက်ကို ဖြန့်ရာ အဓိက ထွက်လမ်းဖြစ်နေသလို အိမ်နီးချင်းနိုင်ငံနယ်စပ်ဒေသတွေမှာ တရုတ်ဒုစရိုက်ဂိုဏ်းတွေ ထူထောင်ထားတဲ့ ကျားဖြန်လုပ်ငန်းတွေရှိခြင်းနဲ့ အတူ လူမှောင်ခိုကူးခံရမှုများလည်း ဆက်တိုက် ကမ္ဘာသိပေါ်ပေါက်နေခဲ့လို့ တရုတ်အစိုးရက အမြစ်ဖြတ်တိုက် ဖျက်ရေး ဖိအားပေးတိုက်တွန်းခြင်း ခံနေရပါတယ်။
ဖမ်သမ်ဟာ ဒီထုတ်ပြန်မှုကို လက်ရှိ ထိုင်းဝန်ကြီးချုပ် ပေထောင်တန်ရဲ့ဖခင် ထိုင်းဝန်ကြီးချုပ်ဟောင်း သက်ဆင် နဲ့ တွေ့ဆုံပြောဆိုပြီးနောက် ထုတ်ပြန်တာဖြစ်ကာ သက်ဆင်က နိုင်ငံအရှေ့မြောက်ပိုင်း ခရိုင်အုပ်ချုပ်ရေးမှူးသစ် များရွေးချယ်ပွဲအတွက် သူ့ပါတီက ကိုယ်စားလှယ်တွေကို ထောက်ပံ့အားပေးဖို့ မဲခေါင်ဖြစ်တစ်လျှောက် လှည့်လည်စဉ် တစ်နှစ်အတွင်း အိမ်နီးချင်းကပ်လျှက်ဒေသတွေက ကျားဖြန်လုပ်ငန်းတွေကို အဆုံးသတ် ဖျက်သိမ်းနိုင်ရေး ကြိုးပမ်းသွားမယ်လို့ ကတိပြုခဲ့ပါသေးတယ်။
မြန်မာအပါအဝင် နယ်စပ်ဒေသတွေက ကျားဖြန်ဒုစရိုက်ဂိုဏ်းတွေရန်ဟာ နိုင်ငံလုံခြုံရေးကိုပါ ကြောက်စရာ စိန်ခေါ်မှုဖြစ်လာစေတဲ့အတွက် ခရိုင် ၁၄ ခု၊ ခရိုင်ခွဲ ၅၁ ခုနဲ့ ရဲစခန်းပေါင်း ၇၆ ခုဟာ နိုင်ငံအရှေ့နဲ့အနောက်ဘက် နယ်စပ်တွေမှာ ၂ ထပ် လုံခြုံရေးစည်းရိုးကို ကာရန် စောင့်ကြပ်သွားမှာဖြစ်ပါတယ်။
ဒါကြောင့် တာဝန်ကျရာ ဌာနက အရာရှိအရာခံတွေ၊ လုံခြုံရေးအရာရှိတွေဟာ ဒီအလုပ်နဲ့ မလိုက်ဖက်ဘူးထင်ရင် တာဝန်ကျရာနေရာ ပြောင်းရွှေ့ခွင့်ပြုမှာဖြစ်ပြီး ပိုမိုကောင်းမွန်တဲ့ အရပ်ကို ပြောင်းပေးမှာမျိုးလို့တော့ လုံး၀မမျှော်လင့်နိုင်ကြောင်း ဖမ်သမ်က သတိပေးပြောဆိုသွားပါတယ်။
Ref: bangkokpost
MKF-001
#MeKongNews
#ကျားဖြန့်
#လူမှောင်ခို
#ခြောက်လစီမံကိန်း
#ထိုင်းအသိပေး
#အိမ်နီးချင်း
