အမေရိကန်နိုင်ငံခြားရေးဝန်ကြီးဌာနမှ အကြံပေး ဒဲရက် ခိုလတ် ဦးဆောင်သည့် ကိုယ်စားလှယ်အဖွဲကို ထိုင်းနိုင်ငံသို့ စေလွှတ်ပြီး အာဆီယံဒေသအတွင်း ကတိကဝတ်များကို အတည်ပြုရန်နှင့် မြန်မာပဋိပက္ခအရေး ဆွေးနွေးရန် ထိုင်းနိုင်ငံသို့ စေလွှတ်ထားသည်။
အောက်တိုဘာ ၁၇ ရက်မှ ၂၂ ရက်အထိ ထိုအဖွဲ၏ အရှေ့တောင်အာရှခရီးစဉ်တွင် အင်ဒိုနီးရှားနှင့် စင်ကာပူနိုင်ငံတိုသိုလည်း သွားရောက်မည်။
မြန်မာနိုင်ငံသားများအပေါ် အမေရိကန်၏ ကတိကဝတ်များကို ကိုယ်စားလှယ်အဖွဲက ထပ်လောင်းအတည်ပြုမည်ဖြစ်ပြီး အိမ်နီးချင်းနိုင်ငံများအပါအဝင် နိုင်ငံတကာအသိုက်အဝန်းအနေဖြင့် အာဏာသိမ်းစစ်တပ်ကို အကြမ်းဖက်မှုများ ရပ်ဆိုင်းစေရန် ဖိအားပေးရေး အရေးတကြီးတာဝန်ရှိကြောင်းလည်း အလေးပေး ပြောဆိုသွားမည်ဖြစ်သည်။
နိုင်ငံရေးအကျဉ်းသားများ ပြန်လွှတ်ပေးရန်နှင့် မြန်မာနိုင်ငံဒီမိုကရေစီလမ်းကြောင်းပေါ် ပြန်ရောက်ရေး တောင်းဆိုသွားမည်ဟုလည်း အမေရိကန်နိုင်ငံခြားရေးဝန်ကြီးဌာနက ထုတ်ပြန်သည်။
ထိုင်း-မြန်မာနယ်စပ်တလျှောက်တွင် နယ်စပ်ဖြတ်ကျော်ပြီး လူသားချင်းစာနာထောက်ထားမှု အကူအညီများပေးရန်လည်း ထိုင်းတွင် မစ္စတာ ခိုလတ်က ဆွေးနွေးမည်ဖြစ်သည်။
COVID-19 ရောဂါအလွန် စီးပွားရေးပြန်လည် နာလန်ထူရေးအပါအဝင် အာဆီယံနှင့်အဖွဲဝင်နိုင်ငံများနှင့် ရင်းရင်းနှီးနှီးပူးတွဲလုပ်ဆောင်ကာ နှစ်ဖက်ဆက်ဆံရေး ပိုမိုနက်ရှိင်းလာစေမည့် အခွင့်အလမ်းများကိုလည်း ဆွေးနွေးမည်ဖြစ်သည်။