နေ့စဉ်နဲ့အမျှ လူသားတွေဟာ ကားတွေ၊ မော်တော်ဆိုင်ကယ်တွေကို မောင်းနှင်လှုပ်ရှားသွားလာနေကြပေမယ့် ဒီစက်ပစ္စည်းတွေက အန္တရာယ်ဖြစ်စေလောက်အောင် ပျက်စီးယိုယွင်းနေသလားဆိုတာကို စစ်ဆေးဖို့ မေ့တတ်ကြ တဲ့အတွက် ဒီစီမံချက်ကို အရပ်ဘက်၊ အစိုးရဘက် အဖွဲ့အစည်းတွေပေါင်းပြီး လုပ်ဆောင်မှာဖြစ်ကြောင်း၊ အဓိက ကား ထုတ်လုပ်ရေးကုမ္ပဏီကြီးတွေ၊ ထိုင်း ယာဉ်ထုတ်လုပ်ရေးအစည်းအရုံး၊ ထိုင်းမော်တော်ဆိုင်ကယ် အင်တာပရိုက် အသင်း၊ ထိုင်း ဥရောပ စီးပွားရေးလုပ်ငန်းရှင်များအသင်းတို့ ပူးပေါင်းပြီး တစ်နိုင်ငံလုံးအတိုင်းအတာနဲ့ Free Vehicle Check for Safe Driving လှုပ်ရှားမှုကို ပြုလုပ်တာဖြစ် လို့ စစ်ဆေးခံကြဖို့ ထိုင်းသယ်ယူပို့ဆောင်ရေးဝန်ကြီးဌာနက ထုတ်ပြန်ခဲ့တာပါ။
ကားနဲ့ဆိုင်ကယ်တွေမှာ လုံခြုံဘေးကင်းရေး ဆီ၊ ရေ၊ လေ၊ ဝိုင် စစ်ဆေးမှုအပြင် ဒီယာဉ်တွေရဲ့ အရေးကြီးတဲ့ စက် အစိတ် အပိုင်း အားလုံးကို စစ်ဆေးပေးရာမှာ ပျက်စီးနေတဲ့ စက်ပစ္စည်းတွေကို လဲတပ်ဖို့အရေးမှာလည်း အခြေခံ လူတန်းစားတွေအတွက် အထူး လျှော့စျေးနဲ့ တပ်ဆင်ပေးသွားမယ်လို့ ဆိုပါတယ်။