နွေဦးကျန်းမာရေးမှ ဆရာဝန်နဲ့ သူနာပြုများအလိုရှိနေ
မဲခေါင်၊ နိုဝင်ဘာ ၂၅
ကရင်နီပြည်မှာရှိတဲ့ ဒေသခံတွေ၊ စစ်ဘေးရှောင်ပြည်သူတွေကို ကျန်းမာရေးစောင့်ရှောက်မှုပေးနေတဲ့ နွေဉီးကျန်းမာဆေးရုံမှာ မနေ့(နိုဝင်ဘာလ ၂၄ )ကစပြီး ဆရာဝန်နဲ့ သူနာပြုတွေခေါ်ယူနေတယ်လို့ ဆေးရုံရဲ့ တာဝန်ခံတယောက်က ပြောပါတယ်။
Senior Medical Officer (ဆရာဝန်) နှစ်ဦး၊ သူနာပြု လေးဉီးကို ဆေးရုံ နှစ်ရုံရဲ့ ပြင်ပလူနာဆေးခန်း၊ နယ်လှည့်ဆေးခန်းနဲ့ ပြည်သူ့ကျန်းမာရေးကဏ္ဍတွေမှာ အတူတကွ တာဝန်ထမ်းဆောင်ဖို့ ဖိတ်ခေါ်တယ်လို့ ဆိုပါတယ်။
“ကျွန်တော်တို့ ကျန်းမာရေးပိုင်းဆောင်ရွက်တဲ့ ကဏ္ဍမှာ အတွေ့အကြုံရှိတဲ့ CDM ဆရာ/မ တွေ လိုအပ်တယ်ပေါ့နော်၊ အဓိကကလည်း ဒီကဏ္ဍတွေလည်ပတ်တဲ့အခါမှာ ပိုပြီးထိထိရောက်ရောက်ဖြစ်စေဖို့၊ ပိုပြီးကောင်းမွန်တဲ့ကုသမှုတွေ၊ ကျယ်ပြန့်တဲ့ကဏ္ဍတွေချဲ့ထွင်ဖို့ စဉ်းစားထားတယ်”လို့ ဆေးရုံတာဝန်ခံက ပြောပါတယ်။
အသက်အရွယ်နဲ့ ကျား/မ ကန့်သတ်မှုမရှိဘဲ CDM (သို့မဟုတ်) တော်လှန်ရေးမှာပါဝင်ဆောင်ရွက်သူဖြစ်ပြီး ဆေးပိုင်းဆိုင်ရာ အတွေ့အကြုံများသူ၊ အများအကျိုးဆောင်ရွက်လိုစိတ်ရှိသူ၊ ရဲဘော်ရဲဘက်စိတ်ရှိသူ ဖြစ်ရင်ရတယ်လို့ ဆိုပါတယ်။
ဒါ့အပြင် အထူးကုဆရာဝန်တွေ၊ Junior ဆရာဝန်သစ်တွေ၊ သူနာပြုဆရာ/မ တွေ၊ ကျန်းမာရေး ပညာရှင်တွေနဲ့အတူ လက်တွဲလုပ်ဆောင်တဲ့သူဖြစ်ရမယ်လို့ သိရပါတယ်။
နွေဦးကျန်းမာဆေးရုံကို ၂၀၂၁ ခုနှစ် ၈ လပိုင်းက စတင်တည်ထောင်ခဲ့ကာ ကရင်နီက စစ်ရှောင်ပြည်သူ၊ ဒေသခံ၊ရဲဘော်နဲ့ အခြား ဒဏ်ရာရသူတွေကို ကုသပေးနေပြီး အတူတကွ ဆောင်ရွက်လိုတဲ့ တာဝန်ထမ်းဆောင်သူအတွက် နေထိုင်စားသောက်မှုနဲ့ ဂုဏ်ပြုဆုချီးမြှင့်တာတွေရှိတယ်လို့ ဆိုပါတယ်။
ဓါတ်ပုံ။ နွေဉီးကျန်းမာရေး
Cj-004
#MekongNews
