မဲခေါင်၊ ဇန်နဝါရီ ၂၉

ရှမ်းပြည်နယ်တောင်ပိုင်း၊ နမ့်စန်မြို့နယ်မှာ အွန်လိုင်းကျားဖြန့်ငွေလိမ်တဲ့ တရုတ်နိုင်ငံသား တစ်ထောင်ကျော်ကို ဇန်န၀ါရီ ၂၃ ရက်မှာ စစ်ကောင်စီတပ်ဖွဲ့က ဖမ်းဆီးပြီး ထွက်ပြေးသူတွေကို သေနတ်နဲ့ ပစ်ခတ်ခဲ့တယ်လို့ နမ့်စန်မြို့ခံတစ်ဦးပြောပါတယ်။

“ဖမ်းထားတဲ့သူတွေများလို့ တစ်ချို့ကထွက်ပြေးနေကြတယ်။ အဲ့တာကြောင့် မနေ့ညက သေနတ်သံတွေကြားနေရတယ်။ အုပ်ချုပ်ရေးမှူးဆီဖုန်းဆက်မေးကြည့်မှ သိရတယ်။ တိုက်ပွဲက မြို့နဲ့နည်းနည်းနီးလာတော့ တိုက်ပွဲတွေဖြစ်မှာကြောက်တယ်။ ပစ်တဲ့လိုက်သူတွေ သေတာ ဒဏ်ရာရာတာတော့ ကျနော်တို့လဲမသိရဘူး ” လို့ပြောပါတယ်။

ဖမ်းဆီးထားတဲ့သူတွေဟာ ကျား ၁၀၀၂ ဦး၊ မ ၃၆ဦး စုစုပေါင်း ၁၀၃၈ ဦးနဲ့ ပစ္စည်းတွေဟာ Desktop ၄၅ လုံး၊ Laptop ၇ လုံး၊ ဖုန်းမျိုးစုံ ၂၃၇၃ လုံး၊ WiFi စက် ၁၂ လုံး တို့ကိုဖမ်းဆီးရမိခဲ့တယ်လို့ သိရပါတယ်။

အဆိုပါ တရုတ်နိုင်ငံသားတွေကို ပြည်သူ့စစ်တပ်ဖွဲ့နဲ့ စစ်ကောင်စီတပ်ဖွဲ့တို့ ပူပေါင်းဖမ်းဆီးထားပြီး
အာဏာသိမ်းပြီးနောက် နမ့်စန်မြို့မှာ တရုတ်နိုင်ငံသားတွေအများရောက်ရှိခဲ့ပြီး ကျာဖြန့်လုပ်ကိုင်နေသူတွေလို့ သိရပါတယ်။

နမ့်စန်မြို့မှာ အလောင်ကစား၀ိုင်းတွေ လစဥ်မပျက်ပြုလုပ်နေပြီး ဇန်နဝါရီ ၁၂ နဲ့ ၁၃ ရက်နေ့မှာ SSS ပြည်သူစစ်တပ်ဖွဲ့ဦးဆောင်တဲ့ အလောင်းကစားပွဲတွေ ပြလုပ်ခဲ့ပါတယ်။

MK-011

#MeKongNews

#နမ့်စန်

#လောင်းကစား

#စစ်ကောင်စီ

#ကျားဖြန့်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)