မဲခေါင်၊ ဖေဖော်ဝါရီ ၁၃
ရှမ်းပြည်တောင်ပိုင်း၊ ဆီဆိုင်မြို့နယ်မှာရှိတဲ့ ပအိုဝ်းအမျိုးသား ဌာနေပြည်သူ့စစ် ပြန်လည်ထူထောင်ရေး တပ်စခန်း၊ လူငယ်ထိန်းသိမ်းရေးနှင့် အကျင့်စာရိတ္တပြုပြင်ရေးအဖွဲ့ လို့ အမည်တပ်ထားတဲ့ အောင်ဆုဗွေ (PNA) စခန်းမှ ဆေးဖြတ်သူ ၁၂ ဦးကို ရှေ့တန်းသွားဖို့ ငြင်းဆန်ခဲ့တဲ့အတွက် စစ်ကောင်စီက ပစ်သတ်ခဲ့တယ်လို့ PNFC က သတင်းထုတ်ပြန်ပါတယ်။
ပအိုဝ်းအမျိုးသားဖက်ဒရယ်ကောင်စီ (PNFC) က ပအိုဝ်းအချင်းချင်း မတိုက်ချင်လို့ စစ်ကောင်စီတပ်က အခုလို ပစ်သတ်ခဲ့တဲ့အတွက် ပြင်းပြင်းထန်ထန်ထန် ကန့်ကွက်တယ်လို့ လည်း ထုတ်ပြန်ချက်မှာ ပါရှိပါတယ်။
အခြားဖြစ်ရပ်တွေဖြစ်တဲ့ ပအို၀်းအမျိုးသားဒေသတစ်ခုဖြစ်တဲ့ ပဲခူးတိုင်း၊ ထန်းတပင်မြို့နယ်၊ ဇရပ်ကြီးဒေသကို မြေပြင်၊ ဝေဟင်လက်နက်ကြီး တင့်ကားတွေနဲ့ ပစ်ခတ်တိုက်ခိုက်ခဲ့လို့ ပြည်သူ ၁၀၀ ကျော်သေဆုံးခဲ့ရတဲ့ဖြစ်ရပ်၊ ဘာသာရေးဆိုင်ရာနဲ့ပညရေးဆိုင်ရာအဆောက်အဦတွေ၊ လူနေ အဆောက်အဦတွေကို ရည်ရွယ်ချက်ရှိရှိ ဗုံးကြဲပြီး မီးလောင်စေခဲ့တဲ့ဖြစ်တွေကိုလည်း ရှုတ်ချတယ်လို့ ထုတ်ပြန်ပါရှိပါတယ်။
ကရင်နီပြည်နယ်ဒီမောဆိုမြို့နယ်၊ ဒေါဆီအိကျေးရွာ မူကြိုနဲ့စာသင်ကျောင်းတွေကို ဗုံးကြဲခဲ့လို့ ကျောင်းသား၄ ဦးနဲ့သေဆုံးပြီး ၂၉ ဦးဒဏ်ရာရခဲ့တဲ့ ဖြစ်ရပ်၊ မကွေးတိုင်းဇ၊ ဂန့်ဂေါမြို့နယ်၊ မြောက်ခင်ရမ်းကျေးရွာမှာ ပျူစောထီးတွေက YDF တပ်ဖွဲ့၀င် ၂ ဦးကို အရှင်လတ်လတ် မီးရှို့သတ်ဖြတ်တဲ့ဖြစ်ရပ်တွေနဲ့ ပြည်သူ့စစ်မှုထမ်းဥပဒေကိုပြဌာန်းပြီးတာနဲ့တစ်ပြိုင်နက် လူငယ်တွေကို အကြောင်းမဲ့စာရင်းကောက်တာ၊ လူဖျောက်တာနဲ့ ဖမ်းဆီးနှိပ်စက်သတ်ဖြတ် အကြမ်းဖက်တာတဲ့ဖြစ်ရပ်တွေကို ဖော်ပြထားတာပါ။
PNFC ရဲ့ ပထမအကြိမ် မျက်နှာစုံညီအစည်းအဝေး ဖေဖော်ဝါရီ ၇ ရက် ၁၁ ရက်အထိ လွတ်မြောက်နယ်မြေတစ်နေရာမှာ ကျင်းပခဲ့ပြီး ယင်းအစည်းအေ၀းကို ပအို၀်းပြည်သူ့ကာကွယ်ရေးတပ်ဖွဲ့-ခမ်းဒွမ် (PPDF-KD) တပ်နယ် ၁၊ ၂ နဲ့ ပအို၀်းအမျိုးသားကာကွယ်ရေးတပ်ဖွဲ့-ခမ်းကောင် (PNDF-KK) တပ်နယ်(၃)တို့အကြား စစ်ရေးဆိုင်ရာ ပူးတွဲညှိနှိုင်းရေးကော်မတီ ကို ဖွဲ့စည်းဆောင်ရွက်နိုင်ခဲ့တယ်လို့ပါရှိပါတယ်။
ပအို၀်းအမျိုးသားကာကွယ်ရေးတပ်ဖွဲ့-ခမ်းကောင် (PNDF-KK) ဟာ PNLA နဲ့ ပူးတွဲပြီး ဆီဆိုင်မြို့နယ်အတွင်း တိုက်ပွဲ၀င်နေသလို ဆီဆိုင်က ခမရ ၄၂၄ ကို တိုက်ခိုက်သိမ်းယူခဲ့တဲ့ တပ်ဖွဲ့လည်းဖြစ်ပါတယ်။
MK-012
#MeKongNews
#ဆီဆိုင်
#အောင်ဆုဗွေ
#လူငယ်ထိန်းသိမ်း
#သင်တန်းကျောင်း