မဲခေါင်၊ ဇန်နဝါရီ ၂၃

အိန္ဒိယနိုင်ငံ နယ်စပ် မီဇိုရမ်ပြည်နယ်ထဲကို AA နဲ့တိုက်ပွဲမှာ ရှုံးနိမ့်လို့ ထွက်ပြေးဝင်ရောက်လာတဲ့ မြန်မာ စစ်ကောင်စီတပ်သား ၁၈၄ ယောက်ကို ပြန်ခေါ်ဖို့ လာတဲ့ မြန်မာ စစ်လေယာဉ်ဟာ ဇန်နဝါရီ ၂၃ ရက်နေ့မှာ မီဇိုရမ် ပြည်နယ် လမ်ပိုင်းလေဆိပ်ကို ဆင်းသက်စဉ် မတော်တဆဖြစ်ပြီး လမ်းချော်လို့ လေယာဉ်ပျက်ဆီးသွားသလို လိုက်ပါလာတဲ့ ၁၃ ယောက်အနက် ၈ ယောက် ဒဏ်ရာရသွားခဲ့ပါတယ်။

မီဇိုရမ်ပြည်နယ်ထဲ ပြေးဝင်လာကြတဲ့ စကစ စစ်သား ၁၈၄ ယောက်ကို စစ်တွေမြို့ဆီ ပါသွားတဲ့ လက်နက်တွေနဲ့ အတူ ပြန်လည်ခေါ်ဆောင်ဖို့ကို မြန်မာစစ်ကောင်စီနဲ့ အိန္ဒိယ နိုင်ငံခြားရေးဝန်ကြီးဌာနတို့ ဆွေးနွေး သဘောတူညီ ခဲ့ပြီးနောက် ဇန်နဝါရီ ၂၂ ရက်တနင်္လာနေ့က တစ်သူတ်ခေါ်ယူခဲ့ပြီး ဒီကနေ့ ဇန်နဝါရီ ၂၃ ရက်မှာ ကျန်ရှိသေးတဲ့ ၉၂ ယောက်ကို ထပ်ခေါ်ဖို့ မြန်မာလေတပ်လေယာဉ် လမ်ပိုင်းလေဆိပ်ကို သွားရောက်မှုမှာ မတော်တဆဖြစ် လမ်းချော်ပျက်ဆီးခဲ့တာဖြစ်ပါတယ်။

အိန္ဒိယပြည်ထဲရေးဝန်ကြီး အမစ်ရှားဟာ ဇန်နဝါရီ ၂၀ ရက်နေ့က မီဇိုရန်ဝန်ကြီးချုပ်၊ အရှေ့မြောက်ပိုင်း ကောင်စီ အဖွဲ့ဝင်တွေနဲ့ တွေ့ဆုံမှုမှာ မြန်မာနိုင်ငံရဲ့ ပြည်တွင်းပဋိပက္ခကြောင့် အိန္ဒိယမှာ နယ်စပ်ဖြတ်ကျော် လက်နက် မှောင်ခို၊ မူးယစ်ဆေးမှောင်ခို၊ လူမှောင်ခိုမှုတွေနဲ့ မဏိပူရမှာ မိုင်တိုင်းနဲ့ ချင်းကူကီးလူမျိုးစု တိုင်းရင်းသားပဋိပက္ခ တွေဖြစ်နေတာကြောင့် ၂၀၁၈ ခုနှစ်က နှစ်နိုင်ငံကြားသဘောတူညီခဲ့တဲ့ နှစ်နိုင်ငံ လွတ်လပ်စွာ နယ်စပ်ဖြတ်ကျော်ခွင့် စာချုပ်ကို ဖျက်သိမ်းပြီး ၁၆၄၃ ကီလိုမီတာရှည်တဲ့ နပ်စပ်စည်ရိုးကို ၄နှစ်ခွဲအတွင်း အပြီးကာရန်ဖို့ အစိုးရအဖွဲ့က စီစဉ်နေပြီလို့ ပြောကြားခဲ့ပါတယ်။

Ref: indiatodayne.in
MKF-001

#MeKongNews

#ထွက်ပြေး

#လမ်းချော်
#လေယာဉ်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)