မဲခေါင်၊ နိုဝင်ဘာ ၂၁
စစ်ကိုင်းတိုင်း၊ ကောလင်းမြို့အတွင်းရှိ ပုဂ္ဂလိက ဘဏ်များ၏ လုံခြုံရေးစောင့်ရှောက်မှုပေးနိုင်ဖို့ စစ်ဆေးသွားမည်ဖြစ်ကာ ဘဏ်တာဝန်ရှိသူများ အနေနဲ့ ဆက်သွယ်ပူးပေါင်း ဆက်သွယ်ကြဖို့ ကောလင်းခရိုင်၊ အရေးပေါ်အုပ်ချုပ်ရေးဆိုင်ရာ ခရိုင်ပေါင်းစပ်ညှိနှိုင်းရေးအဖွဲ့ အသိပေးကြေညာထားပါတယ်။
နိုဝင်ဘာလ ၆ ရက်နေ့တွင် စစ်ကိုင်းတိုင်း၊ ကောလင်းမြို့ကို အမှတ် ၁ စစ်ဒေသ ခရိုင် ကွပ်ကဲမှု အစီအစဉ်ဖြင့် ကချင်လွတ်လပ်ရေးတပ်မတော်(KIA)၊ ပြည်သူ့ကာကွယ်ရေးတပ်မ တော်(PDF)၊ ပြည်သူ့ကာကွယ်ရေးအဖွဲ့(ပကဖ) နှင့် တော်လှန်ရေးအဖွဲ့များက တိုက်ခိုက်သိမ်း ပိုက်ခဲ့တာပါ။
ခရိုင်ပေါင်းစပ်ညှိနှိုင်းရေးအဖွဲ့အနေနဲ့ ကောလင်းခရိုင်အတွင်းရှိ ပြည်သူလူထုအတွက် ငွေကြေးဝန်ဆောင်မှုပေးနေသော ပုဂ္ဂလိကဘဏ်များ၏ လုံခြုံရေး စောင့်ရှောက်မှုပေးနိုင်ရန်နဲ့ အများပြည်သူပိုင်ဆိုင်မှုများ နစ်နာဆုံးရှုံးမှုမရှိစေရန်အတွက် အမျိုးသားညီညွတ်ရေးအစိုးရ၊ ကြားကာလဗဟို ဘဏ်၏ ကြေညာချက်အမှတ်(၁/၂၀၂၃) နှင့်အညီ ဘဏ်အတွင်းသို့ ဝင်ရောက်စစ်ဆေးသွားမယ်လို့ အသိပေးချက်မှာပါရှိပါတယ်။
ပုဂ္ဂလိကဘဏ် တာဝန်ရှိသူများအနေနဲ့ ခရိုင်ပေါင်းစပ်ညှိနှိုင်းရေးအဖွဲ့နှင့် အမြန်ဆုံးလာရောက် ဆက်သွယ်ပူးပေါင်းဆောင်ရွက်သွားရန်နှင့် လိုက်နာခြင်းမရှိပါက အမျိုးသားညီညွတ်ရေးအစိုးရ၊ ကြားကာလဗဟိုဘဏ် ညွှန်ကြားချက်များနှင့် အညီ ဆက်လက်ဆောင်ရွက်သွားမယ်လို့လည်း ထုတ်ပြန်ပြောဆိုထားပါတယ်။
MK-006
#MeKongNews
#ကောလင်း
#ဘဏ်
#NUG
#ဆက်သွယ်
