မဲခေါင်၊ ဒီဇင်ဘာ ၂၈
ချင်းပြည်နယ်၊ တီးတိန်မြို့အခြေစိုက် စစ်ကောင်စီ ခလရ-၂၆၉ တပ်ရင်းမှ ဒုတပ်ကြပ်တစ်ဦးဟာ စစ်ကိုင်းတိုင်း၊ ပုလဲမြို့နယ် ပြည်သူ့အုပ်ချုပ်ရေးအဖွဲ့ထံ ဒီဇင်ဘာ ၂၇ ရက်နေ့မှာ လက်နက်နဲ့အတူ အလင်းဝင်ရောက်တယ်လို့ သိရပါတယ်။
အလင်းဝင်လာတဲ့ ဒုတပ်ကြပ်ဟာ MA 3 သေနတ် ၁ လက်၊ ကျည်ဘောက် ၅ ခု၊ ကျည် ၁၅၀၊ ဗုံးသီး ၁၀ လုံးနဲ့ လက်ပစ်ဗုံး ၁ လုံးတို့ကို ယူဆောင်လာခဲ့တယ်လို့ ပြည်သူ့အုပ်ချုပ်ရေးအဖွဲ့ (ပအဖ) က သတင်းထုတ်ပြန်ပါတယ်။
လက်နက်ခဲယမ်းတွေ ယူဆောင်လာတဲ့ စစ်ကောင်စီဒုတပ်ကြပ်ကို ပုလဲမြို့နယ် ပြည်သူ့အုပ်ချုပ်ရေးအဖွဲ့က ငွေကျပ် သိန်း ၁၀၀ ချီးမြှင့်ခဲ့တယ်လို့ ဆိုပါတယ်။
တီးတိန်မြို့အခြေစိုက် ခလရ-၂၆၉ မှ တပ်သား ၄ ဦးဟာလည်း ဇူလိုင်လအတွင်းက PDF Zoland ထံကို အလင်းဝင်ရောက်ခဲ့ဖူးပါတယ်။
စစ်ကောင်စီတပ်သားတွေ ပြည်သူဘက်ပူးပေါင်းဖို့ တော်လှန်ရေးအဖွဲ့တွေက အသိပေးထားပြီး လက်နက်ပါလာလျှင် ဆုကြေးချီးမြှင့်မယ်လို့ တနိုင်ငံလုံးက တော်လှန်ရေးအဖွဲ့တွေက အသိပေးထုတ်ပြန်ထားပါတယ်။
#MeKongNews
#စစ်ကောင်စီ
#ပုလဲ
#ပအဖ
#အလင်းဝင်