မဲခေါင်၊ မေ ၆
ရှမ်းပြည်နယ် နေရာအနှံ့မှာ လာမယ့် တစ်ပတ်အတွင်း သီးနှံ စိုက်ပျိုးဖို့ ရေအလုံအလောက် ရနိုင်မယ့် မိုးရွာမယ်လို့ မိုးလေဝသ ပညာရှင် မစုစုစံက ဒီကနေ့ မေလ ၆ ရက်မှာ ခန့်မှန်း ပြောဆိုလိုက်ပါတယ်။
လာမယ့် မေလ ၁၀ ရက်ကနေ ၁၃ ရက်အတွင်း ရှမ်းပြည်နယ် တစ်ခုလုံးမှာ မိုးဦး အတွက် စိုက်ပျိုးရေ အလုံအလောက် ရနိုင်တဲ့ မိုးရွာသွန်းမှာ ဖြစ်သလို ဇွန်လနဲ့ ဩဂုတ်လ အတွင်း ရန်ကုန်၊ ဧရာဝတီ၊ မွန် နဲ့ ကရင်ပြည်နယ်တွေမှာ မိုး ၃ ဆ ပိုမို ရွာသွန်းနိုင်တယ်လို့ မစုစုစံက ဆိုပါတယ်။
လာမယ့် သီတင်းပတ် အတွင်း မြန်မာနိုင်ငံထဲကို ကုန်းတွင်း မုန်တိုင်း အဖြစ်ပါ ဝင်ရောက်လာနိုင်တဲ့ မိုချား ဆိုင်ကလုန်း မုန်တိုင်းကြောင့် နိုင်ငံ အနှံ့ မိုးရွာသွန်းပြီး မိုးကြီးတာ၊ လေပြင်း တိုက်ခတ်တွေ ဖြစ်လာနိုင်လို့ ပြည်သူတွေ ကြိုတင် ပြင်ဆင်ထားကြဖို့ မိုးလေဝသ လေ့လာ သုံးသပ်သူတွေက သတိပေးနေပါတယ်။
MK-007
#MeKongNews
#ရှမ်းပြည်နယ်
#မိုးလေဝသပညာရှင်
#မုန်တိုင်း