မဲခေါင်၊ ဧပြီ ၅
ကချင်ပြည်နယ်၊ ဗန်းမော်ခရိုင်၊ မံစီမြို့နယ်က ဗန်းမော် – မန္တလေး ကားလမ်းပေါ်ရှိ ဟန်ထက်ရွာက စစ်ကောင်စီစခန်းကို ဧပြီလ ၅ ရက်နေ့မနက် ၇ နာရီ ဝန်းကျင်ခန့်က KIA နဲ့ ပူးပေါင်း တပ်ဖွဲ့တွေက သိမ်းပိုက်လိုက်ကြောင်း KIA ရှေ့တန်း သတင်းရင်းမြစ်တွေဆီက သိရပါတယ်။
“ အဲဒီ ဟန်ထက် စခန်းက စစ်ကောင်စီတွေက မနေ့က ဧပြီ ၄ ရက်ညပိုင်း ကတည်းက သူတို့ဘာသာ ထွက်သွားတာ။ အစောပိုင်းတော့ ပစ်နေသေးတယ်။” လို့ KIA ရှေ့တမ်း သတင်း ရင်းမြစ်တစ်ဦးက ပြောပါတယ်။
ဒီမနက်မှပဲ KIA နဲ့ ပူးပေါင်း တပ်ဖွဲ့တွေက တပ်ရှင်းလင်းရေး လုပ်ပြီး သိမ်းလိုက်တာလို့ သူက ပြောပါတယ်။
အဲဒီ အနီးနားက တပ်စခန်းကြီးတွေအတွက် ကာကင်းပုံစံ ပဲ လုပ်ထားပေမယ့် စစ်ကောင်စီအတွက်ကတော့ အရေးပါတဲ့ တပ်စခန်းဖြစ်ပြီး အောပ်ဘက် ဆင်းသွားရင် မန္တလေး၊ ဘယ်ဘက်သွားလိုက်ရင် မိုင်းခေါင်၊ နအ်လင်းပါ၊ အပေါ်ဘက် တက်လာရင် မိုးမောက်၊ ဗန်းမော် တွေဘက် ပေါက်တဲ့ အဓိက လမ်းဆုံ ဖြစ်တယ်လို့ သူက ရှင်းပြပါတယ်။
“ ဟန်ထက် စခန်းကို ဒီမနက်က သိမ်းရတာ။ ဒီနေ့နေ့လည်မှာတော့ လမ်းပေါ်က စစ်ကောင်စီရဲ့ဂိတ် မီးရှို့ ဖျက်စီး လိုက်ပြီ။” လို့ နောက်ထပ် KIA ရှေ့တန်း သတင်းရင်းမြစ် တစ်ဦးက ပြောပါတယ်။
မိုးမောက်နဲ့ မံစီ မြိုနယ်မှာက စစ်ကောင်စီ စခန်းမရှိသလောက် သိမ်းလိုက်ပြီဖြစ်ပြီး မံစီနဲ့ ဗန်းမော်ကြား စစ်ကောင်စီစခန်းကြီးနဲ့ ဗန်းမော်မြို့က စစ်ကောင်စီ ဗျူဟာ တို ၂ ခုတော့ အကြီးကြီး ကျန်နေသေးတယ်လို့ သူက ပြောပါတယ်။
ရွှေကူ အနီး တဝိုက် အထိ အကုန် သိမ်းထားပြီဖြစ်ပြီး ဗန်းမော်မှာတောင် ပြီးခဲ့တဲ့ ရက်ပိုင်းက ဗန်းမော်လေဆိပ် လာထုလို့ ဆရာဝန်တွေ အပါအဝင် Non CDM ဝန်ထမ်းတွေ အကုန်လုံးနီးပါး ထွက်ပြေးကုန်ကြပြီလို့ သူက ရှင်းပြပါတယ်။
မတ်လ ၇ ရက်နေ့ကစ ကနေ့ ဧပြီလ ၅ ရက်နေ့အထိ ကချင်ပြည်နယ်၊ လွယ်ဂျယ် – ဗန်းမော် – မြစ်ကြီးနားလမ်း၊ မြစ်ကြီးနား – ဖားကန့်လမ်း၊ မြစ်ကြီးနား – ပူတာအိုလမ်း၊ ဗန်းမော် – နမ့်ခမ်းလမ်း နဲ့ လမ်ဇာ အနီး ဝန်းကျင်တွေ ဘက်က စစ်ကောင်စီ တပ်စခန်း ၆၀ ကျော်ကို KIA နဲ့ ပူးပေါင်း တော်လှန်ရေး တပ်ဖွဲ့တွေက သိမ်းပိုက်ထားဝာ ဖြစ်ပလတယ်။
CJ-008
