မဲခေါင်၊ မတ် ၁၀
ရှမ်းပြည်တိုးတက်ရေးပါတီ-SSPP က အရာရှိ တစ်ဦး မူးယစ်ဆေးဝါးမှုနဲ့ အဖမ်းခံထားရတယ်လို့ ဒေသတွင်း သတင်း Hsan Loi Voice လူမှုကွန်ရက် စာမျက်နှာမှာ ဖော်ပြထားတာဟာ မဟုတ်မှန်ဘူးလို့ SSPP အရာရှိက ဒီကနေ့ ပြန်လည်ဖြေရှင်း ထားပါတယ်။
Hsan Loi Voice သတင်းစာမျက်နှာမှာ SSPP ပါတီ အရာရှိ စိုင်းကောလိန် ဆိုသူ လားရိူးမြို့နယ်၊ နမ့်ပေါင် ကျေးရွာ တံတားထိပ်မှာ မူးယစ်ဆေးဝါးမှုနဲ့ ဖမ်းဆီးခံလိုက်ရတယ်လို့ မနေ့က ဖော်ပြထားတာဟာ သတင်းမှားသာ ဖြစ်တယ်လို့ ကိုစိုင်းကောလိန် ကိုယ်တိုင် ရုပ်သံနဲ့ ပြန်လည် ဖြေရှင်းထားတာပါ။
မူးယစ်ဆေးမှုနဲ့ ဖမ်းဆီးခံရတယ်လို့ စွပ်စွဲခံရတဲ့ SSPP အရာရှိ ကိုစိုင်းကောလိန်ဟာ မူးယစ်ဆေးဝါး ကိစ္စတွေနဲ့ မပတ်သက်သလို ပါတီမှာ လက်ရှိ တာဝန်ထမ်းဆောင်နေဆဲ ဆိုတာ ဒီရုပ်သံက သက်သေပဲလို့ ရှမ်းပြည်တိုးတတ်ရေးပါတီက တုံ့ပြန်ပါတယ်။
Hsan Loi Voice သတင်းဌာန ဆိုတာဟာ ရှမ်းပြည် ပြန်လည်ထူထောင်ရေး ကောင်စီ -RCSS အာဘော် Taifreedom သတင်းဌာနရဲ့ လက်အောက်ခံ သတင်းဌာန ဖြစ်တယ်လို့ SSPP Info က တုံ့ပြန်ထားပါတယ်။
ရှမ်းပြည်နယ်အတွင်း အင်အားအကြီးဆုံး တော်လှန်ရေး ပါတီ ၂ ခုလို့ ဆိုရမဲ့ SSPP နဲ့ RCSS ဟာ နိုင်ငံရေး သာမက စစ်ရေးမှာပါ သဘောထား ကွဲလွဲမှုတွေ ရှိနေပြီး မကြာခဏ တိုက်ပွဲတွေ ဖြစ်ပွားနေတာကြောင့် ဒေသခံ ပြည်သူတွေက ဝေဖန်နေကြပါတယ်။
ဗိုလ်ချုပ်ကြီးစဝ်ရွက်စစ် ဦးဆောင်တဲ့ RCSS အဖွဲ့ဟာ အပစ်အခတ်ရပ်စဲရေး-NCA စာချုပ် လက်မှတ်ရေးထိုး ထားပါတယ်။
MK-007
