မဲခေါင်၊ ဇူလိုင် ၂
မိုးကုတ်မြို့နယ်မှာ တအာင်းအမျိုးသားတပ်မတော် TNLA တပ်ဖွဲ့နဲ့ PDF (မိုးကုတ်ဗျူဟာ)၊ PDF (513)တို့ ပူးပေါင်းတိုက်ခိုက်ပြီး တစ်ပတ်အတွင်းမှာ စစ်ကောင်စီရဲ့ လက်နက်နှင့် စစ်သုံ့ပန်း ၁၅ ဦးနဲ့အတူ ရဲ ၂ ဦး ဖမ်းဆီးထားတယ်လို့ တအာင်းတပ်မတော်က ထုတ်ပြန်ထားပါတယ်။
စစ်ကောင်စီရဲ့ လက်နက်သိမ်းဆည်းရမိတဲ့ လက်နက်ဟာ MA1 ၁ လက်၊ MA 2 ၃ လက်၊ MA 3 ၅ လက်၊ MA10 ၂ လက်၊ MA11 ၃ လက်၊ MA16 ၁ လက်၊ MG-64 ၁ လက်၊ 60mm ၂ လက်၊ 81mm ၁ လက်၊ RPG-7 ၂ လက်၊ G3 ၉ လက်နှင့် အခြားစစ်အသုံးအဆောင်ပစ္စည်းများအား သိမ်းဆည်းထားပါတယ်။
မိုးကုတ်မြို့ပေါ်မှာ တိုက်ပွဲဖြစ်ပွားတာကြောင့် ဒေသခံပြည်သူများ ထွက်ပြေးတိမ်ရှောင်တာရှိပြီး တစ်ချို့ဒေသခံတွေက ပိတ်ဆိုမှုတွေကြုံနေရပါတယ်။
ထိုအလားတူ နောင်ချိုမြို့မှာ စစ်ကောင်စီတပ် စကခ(၁)၊ ခမရ(၁၁၄)(၁၁၅)နှင့် ဒုံးတပ်ရင်း (၆၀၆)တပ်စခန်းအား တအာင်းတပ်မတော် TNLA, DPLA, MDY-PDF တို့ ဒီကနေ့မနက် (၄း၁၀)နာရီအချိန်တွင် ပူးပေါင်းတိုက်ခိုက်သည်။
MK 011
