မဲခေါင်၊ မတ် ၂၃
ရှမ်းပြည်နယ် မြောက်ပိုင်း၊ မိုင်းရယ်မြို့နယ်မှာ ရှမ်းပြည်တိုးတက်ရေးပါတီ- SSPP/SSA၊ အုပ်ချုပ်ရေးဌာနက လောင်းကစားခုံတွေ သိမ်းပြီး မီးရှို့ဖျက်ဆီးကာ ဒိုင်တွေကို အရေးယူထားတယ်လို့ မနေ့က ထုတ်ပြန်ပါတယ်။
မိုင်းရယ်မြို့နယ် အတွင်းမှာ လောင်းကစား မပြုလုပ်ကြဖို့ အကြိမ်ကြိမ် ထုတ်ပြန်ထားပေမဲ့ မလိုက်နာလို့ အခုလို လုပ်ဆောင်ရတာ ဖြစ်တယ်လို့ ဆိုပါတယ်။
လောင်းကစားဝိုင်းတွေဟာ ပြည်သူကို အကျိုးမပြုတာကြောင့် SSPP စည်းကမ်းထိန်းသိမ်းရေး ကော်မတီက တားမြစ်ထားတဲ့ ကြားက ပြုလုပ်ပါက ဦးဆောင်ဖွင့်လှစ်သူနဲ့ အတူ ပတ်သက် ဆက်နွယ်သူတွေကို အရေးယူမယ်လို့ ထုတ်ပြန်ချက်မှာ အသိပေးထားပါတယ်။
MK-007
#SSPP/SSA