မဲခေါင်၊ ဧပြီ ၁၀
မယ်ဆိုင်ကနေ တာချီလိတ်ကို ဆိုင်ကယ်အစီး ၄၀နီးပါးခိုးသွင်းနေတဲ့ တာချီလိတ်က မဇ္ဈိမလူမှုကူညီရေးအသင်းဥက္ကဌ ဦးတင့်ဆွေအပါအဝင် ၅ဦးဟာ ဖမ်းဆီးခံရပြီး ၂လမပြည့်ခင်မှာဘဲ အမှုကနေပြန်လည်လွတ်မြောက်လာတယ်လို့ သတင်းရင်းမြစ်တွေက မဲခေါင်ကိုပြောပါတယ်။
သွင်းကုန်/ထုတ်ကုန် ဥပဒေပုဒ်မ ၈ နဲ့ အမှုဖွင့်ခံရတဲ့ ဦးတင့်ဆွေအပါအဝင် ၅ဦးဟာ ဧပြီလ ၇ရက်က ပြန်လည်လွတ်မြောက်လာတာဖြစ်တယ်လို့ သတင်းရင်းမြစ်တစ်ဦးက ပြောပါတယ်။
“ဒီပုဒ်မက ထောင်ဒဏ် ၃နှစ်အထိချလို့ရတယ်။ အနည်းဆုံးတော့ တစ်နှစ်လောက်ချလေ့ရှိတယ်။ အခုလောက်နဲ့ ပြန်လွတ်လာတာဆိုတော့ ဘယ်လောက်တောင်လိုက်ထားလဲဆိုတာ သိသာတယ်” လို့ သူကပြောပါတယ်။
ဦးတင့်ဆွေအပါ ၅ဦးဟာ ဖေဖော်ဝါရီလ ၁၅ရက်က မယ်ဆိုင်ကနေ တာချီလိတ်ဘက်ကို ဆိုင်ကယ်တွေခိုးသွင်းနေစဉ် နယ်စပ်တစ်နေရာမှာ ဖမ်းဆီးခံရတာဖြစ်တယ်လို့ နီးစပ်သူတစ်ဦးက ပြောပါတယ်။
တာချီလိတ်မြို့မှာ ပြီးခဲ့တဲ့ရက်ပိုင်းကလည်း အမျိုးသမီးတစ်ဦးကို သေနတ်နဲ့ ပစ်သတ်ခဲ့တဲ့ ဇွဲသာယာကမ်းခြေပိုင်ရှင် ဦးဇွဲဆိုသူ အမှုကနေ ၇လခန့်အကြာမှာ ပြန်လည်လွတ်မြောက်လာခဲ့ပါတယ်။
ဒါ့အပြင် လွန်ခဲ့တဲ့ ၈လခန့်က မူးယစ်ဆေးဝါးမှု၊ လက်နက်မှုတွေနဲ့ ဖမ်းဆီးခံထားရတဲ့ ဗိုလ်လုံမြင့်ထွေးဆိုသူဟာလည်း မကြာခင်မှာ ပြန်လည်လွတ်မြောက်ဖို့ရှိတယ်လို့ စုံစမ်းသိရပါတယ်။
MK – 004
#MeKongNews
#တာချီလိတ်
#ဦးတင့်ဆွေ