မဲခေါင်၊ ဩဂုတ် ၂၈
ကချင်ပြည်နယ်၊ ဖားကန့်လမ်း-နန့်ယား-မြစ်ကြီးနားလမ်း ပိတ်လိုက်တာကြောင့် ဖားကန့်မြို့နယ်မှာ လတ်တလော ကုန်ဈေးနှုန်းတွေ အဆမတန် တက်နေတယ်လို့ ဒေသခံတွေက ပြောပါတယ်။
“ အဲဒါကတော့ ထုံးစံအရကွာ။ ဖားကန့်မှာကတော့ သိတဲ့အတိုင်း။ ကြက်ဥ တစ်လုံးကို ၅၀၀ ဒါမျိုးတွေ” လို ဒေသခံ အမျိုးသား တစ်ဦးက ပြောပါတယ်။
လက်ရှိ ဆန်၊ ဆီ၊ ဆား စတဲ့ အခြေခံ စားသောက်ကုန်တွေ အကုန် စျေးတက်တယ်လို့ သူက ပြောပါတယ်။
“ ပစ္စည်း ပြတ်တော့ သူတို့က တက်ရောင်းတာပါ” လို့ နောက်ထပ် ဒေသခံ တစ်ဦးက ပြောပါတယ်။
မြစ်ကြီးနားမှာ ခရမ်းချဉ်သီး ၁ ပိဿာ ၄၀၀ ကျပ်ဆိုပါက ဖားကန့်မှာက ၈,၀၀၀ နဲ့ ၁,၀၀၀ ကျပ် ကြားမှာ ရှိတယ်လို့ သူက ရှင်းပြပါတယ်။
လမ်းပိတ်သွားတာကြောင့် ကုန်ပစ္စည်း ပြတ်လာပြီး တချို့ကုန်စိမ်းတွေ၊ အသီးအရွက်တွေ မရှိတော့လို့ ဝယ်လို့ မရဘူးလို့ ဆိုပါတယ်။
“ တခြားကလာတဲ့ အသီးအရွက်ကတော့ အကုန်ပြတ်ပြီ” လို့ နောက်ထပ် ဒေသခံ တစ်ဦးက ပြောပါတယ်။
လက်ရှိ တချို့ ကြက်ဥတစ်ကတ် ၁၂,၀၀၀၊ ဆန်နို့ဆီတစ်ဘူး (အမျိုးအစားမသိရ) ၃,၀၀၀၊ ကန်ဇွန်းရွက်တစ်စည်း ၁,၂၀၀ အထိ ရောင်းကြတာတွေ ရှိတယ်လို့ ဆိုပါတယ်။
ဖားကန့် – မြစ်ကြီးနားလမ်းရှိ နန့်ယားရွာနဲ့ မအူပင်ရွာကြားမှာ ဩဂုတ်လ ၂၂ ရက်နေ့က ရုတ်တရက် တိုက်ပွဲ ပြင်းထန်လာကြောင့် ဖားကန့်လမ်း – နန့်ယား – မြစ်ကြီးနားလမ်းကို အဲဒီနေ့ကစ ပိတ်ထားတာ ဖြစ်ပါတယ်။
CJ-008
#MeKongNews
#ဖားကန့်-မြစ်ကြီးနား
#ကုန်စျေးနှုန်း
#တိုက်ပွဲ
