မဲခေါင်၊ ဧပြီ ၁၅
တာချီလိတ်မြို့မှာ စကားများရာကနေ သေနတ်နဲ့ ပစ်ခတ်လို့ တစ်ဦး သေဆုံးကာ ၄ ဦး ဒဏ်ရာရတယ်လို့ သိရပါတယ်။
ရှမ်းအရှေ့၊ တာချီလိတ်မြို့ ၊ ဆန်ဆိုင်း-က ရပ်ကွက်၊ ပုံလို့လမ်းမှာ ဒီကနေ့ မနက် ၂ နာရီ လောက်က စားသောက်ဆိုင်က ထွက်တဲ့ကားနဲ့ ပုံလို့လမ်းမှာ မောင်းလာတဲ့ကား ပွတ်တိုက်မိရာက စကားများပြီး သေနတ်နဲ့ ပစ်ခတ်မှု ဖြစ်ပွားခဲ့တယ်လို့ ဒေသခံတစ်ဦးက ပြောပါတယ်။
စကားများ ရန်ဖြစ်နေတုန်း ပွတ်တိုက်မိတဲ့ ကားပိုင်ရှင်ရဲ့ သူငယ်ချင်းတွေ ရောက်လာပြီး သေနတ်နဲ့ ပစ်ခတ်တာကြောင့် အမျိုးသား တစ်ဦး ကျည်ထိမှန် သေဆုံးသွားကာ ၄ ဦး ဒဏ်ရာရခဲ့တယ်လို့ ဒေသခံတစ်ဦးက ပြောပါတယ်။
သေဆုံး ရုပ်အလောင်းနဲ့ ဒဏ်ရာရသူတွေကို လူမှုကူညီရေးအသင်း တစ်ခုက တာချီလိတ်ခရိုင် ပြည်သူ့ဆေးရုံကြီး ပို့ဆောင်ပေးခဲ့တယ်လို့ သိရပါတယ်။
MK-007
#MeKongNews